«الاكول جاعاسىنداعى دەمالىس بازاسىندا الدىن الا ەسەپتەلگەندەي 3 مىڭ شارشى مەتر اۋماق ورتەنىپ, 4 دەمالىس ورنى ءب ۇلىندى. ءبىر-بىرىنە جالعاپ سالىنعان اعاش ۇيلەرگە ءورت جىلدام تاراپ كەتكەن. ونىڭ ۇستىنە قاتتى جەل دە ءورتتى سوندىرۋگە كەدەرگى كەلتىرگەن. 5 ساعات 40 مينۋتقا سوزىلعان الاپات ءورتتى سوندىرۋگە تجد جانە پوليتسيا, جەرگىلىكتى ورگانداردان كەلگەن 186 ادام مەن 29 تەحنيكا جۇمىلدىرىلدى. ورتتەن 7 ادام زارداپ شەككەن, ولارعا ءتيىستى مەديتسينالىق كومەك كورسەتىلدى. الايدا ولار اۋرۋحاناعا جاتۋدان باس تارتقان», دەلىنگەن اباي وبلىسىنىڭ تجد ءباسپاسوز قىزمەتى تاراتقان حابارلامادا.
قازىرگى ۋاقىتتا ءورتتىڭ شىعۋ سەبەبى انىقتالۋدا. وقيعا ورنىندا وپەراتيۆتىك شتاب جۇمىس ىستەپ جاتىر.
