قازاقستان • 05 شىلدە، 2022

ورگانيكالىق قالدىقتاردى وڭدەيدى

28 رەت كورسەتىلدى

«جاسىل دامۋ» اكتسيونەرلىك قوعامى فرانتسۋزدىڭ Syctom كومپانياسى مەن بىرلەسىپ، اقمولا وبلىسىنىڭ اقكول اۋدانىندا ورگانيكالىق (تاماق) قالدىقتاردى ءشىرىتۋ ادىسىمەن وڭدەيتىن جوبانى بيىل ىسكە قوسادى.

وسى رەتتە Syctom كومپانياسى مەن «جاسىل دامۋ» اق جانە اقكول اۋداندىق اكىمدىگىمەن ءوزارا تۇسىنىستىك جونىندە ۇشجاقتى مەمو­راندۋمعا قول قويىلدى. قىركۇيەك ايىندا فرانتسۋزدىق كومپانيا ورگانيكالىق قالدىقتى شىرىتۋگە ارنالعان 5 بىردەي ەلەكتروكومپوس­تەر قۇرىلعىسىن اقكول اۋدانىنا جەتكىزۋدى جوسپارلاپ وتىر. جىلىنا 125 توننا ورگانيكالىق (تاماق) قالدىق وڭدەيتىن زاماناۋي قۇرىلعى اقكول اۋدانىنداعى بالالار ۇيىنە، ورتالىق اۋرۋحاناعا، عارىشتىق باي­لانىس ورتالىعى كەشەنىنە جانە «قامقور» الەۋمەتتىك قىزمەت كورسە­تۋ ورتالىعى عيمارا­تىنا ورناتىلادى.

جوبا اياسىندا فرانتسۋز تاراپى قالدىقتاردى قايتا وڭدەۋگە قاجەتتى جابدىقتار جەتكىزۋ مەن تەحنيكالىق زەرتتەۋگە كەتەتىن شىعىنداردى ءوز مويىن­دارىنا العان. جەرگىلىكتى اكىم­دىك فرانتسۋز كومپانياسى جەتكىزەتىن جابدىقتى قابىلداپ، وعان ارنايى جەر ءبولىپ، فرانتسۋز كومپانياسى مەن «جاسىل دامۋ» اق-قا وڭدەلگەن قالدىق بويىنشا مونيتورينگ ەسەبىن ۇسىنادى.

اقكول ساپارى اياسىندا Syctom كومپانياسىنىڭ وكىلدەرىنە ارنايى قۇرىلعى ورناتىلاتىن نىساندار تانىستىرىلدى. فرانتسيالىق ماماندار ۇسىنىلعان عيماراتتار ورگانيكالىق قالدىقتى كادەگە جاراتۋعا قولايلى بولاتىنىن كوردى. ايتا كەتۋ كەرەك، ارنايى قوندىرعىعا سالىناتىن تاماق قالدىقتارى قاراشىرىككە اينالادى. ونى باۋ-باقشاعا تىڭايتقىش رەتىندە قولدانۋعا بولادى.

ەستەرىڭىزگە سالا كەتەيىك، تاماق قال­دىقتارىن كادەگە جاراتۋ بويىن­شا ارنايى قۇرىلعى ورناتۋدى قار­جى­لاندىرۋعا فرانتسۋز ۇكىمەتى 2020 جىلى 500 مىڭ ەۋرو گرانت بولۋ­گە شەشىم قابىلداعان. سونىڭ ناتي­جەسىندە، قازاقستاندا العاش رەت قولعا الىنىپ وتىرعان جوبا FASEP (جەكە سەكتورعا كومەك جانە زەرتتەۋ قورى) گرانتى بويىنشا فرانتسيا مەملەكەتى ەسەبىنەن جۇزەگە اسىرىلۋدا.

سوڭعى جاڭالىقتار

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار