ۇكىمەت • 04 شىلدە، 2022

قازاقستان مەن رەسەي ونەركاسىپ كووپەراتسياسى بويىنشا ءىس-قيمىل جوسپارىنا قول قويادى

13 رەت كورسەتىلدى

قر پرەمەر-ءمينيسترى ءاليحان سمايىلوۆ XII «يننوپروم» حالىقارالىق ونەركاسىپتىك كورمەسىنىڭ ەكسپوزيتسياسىمەن تانىسىپ، اشىلۋىندا ءسوز سويلەدى، دەپ حابارلايدى Egemen.kz.

«ونەركاسىپتىك اۋىسۋ: سىن-قاتەرلەردەن جاڭا مۇمكىندىكتەرگە» تاقىرىبىنداعى كورمە ەكاتەرينبۋرگ قالاسىندا 4-7 شىلدە ارالىعىندا وتەدى.

«يننوپروم» - رەسەيدە وتكىزىلەتىن يندۋستريالاندىرۋ سالاسىنداعى ەڭ ءىرى كورمەلەردىڭ ءبىرى. بيىلعى ءىس-شارانىڭ سەرىكتەس ەلى — قازاقستان رەسپۋبليكاسى. ءداستۇر بويىنشا سەرىكتەس ەلدىڭ قاتىسۋ فورماتىنا اۋقىمدى ۇلتتىق ەكسپوزيتسيا، ىسكەرلىك جانە مادەني باعدارلامالار كىرەدى. وسى ورايدا قازاقستاندىق ەكسپوزيتسيانىڭ اۋدانى 1600 شارشى مەتردى قۇرادى، وندا ونەركاسىپتىڭ بارلىق سالالارىن قامتىعان 200-گە جۋىق وتاندىق كومپانيا ءوز ونىمدەرىن ۇسىنادى.

قر پرەمەر-ءمينيسترى ءاليحان سمايىلوۆ كورمە پاۆيلوندارىنىڭ ەكسپوزيتسياسىمەن تانىستى، سونداي-اق رف ۇكىمەتىنىڭ توراعاسى ميحايل ميشۋستينمەن بىرگە كورمەنىڭ اشىلۋ سالتاناتىنا جانە «ونەركاسىپتىك اۋىسۋ: كوشباسشىلاردىڭ تاجىريبەسى» پلەنارلىق سەسسياسىنا قاتىستى.

قر ۇكىمەتىنىڭ باسشىسى ءوز سوزىندە قازاقستاننان كەلگەن دەلەگاتتار ءۇشىن وسى الاڭدا كەزدەسىپ، ونەركاسىپتى دامىتۋ پەرسپەكتيۆالارىن تالقىلاۋ، سىندارلى ۇسىنىستار مەن پىكىر الماسۋ، كوپتەگەن ماسەلەلەر بويىنشا ءوزارا قولايلى شەشىمدەرگە قول جەتكىزۋ يگى داستۇرگە اينالعانىن اتاپ ءوتتى.

«ەلدەرىمىز اراسىنداعى ونەركاسىپتىك كووپەراتسيا سالاسىنداعى ىنتىماقتاستىقتىڭ جوعارى قارقىنىن ەرەكشە اتاپ وتكىم كەلەدى. بۇعان قازاقستان-رەسەي وندىرىستىك كووپەراتسياسى سالاسىنداعى بىرلەسكەن ءىس-قيمىل باعدارلاماسىن ىسكە اسىرۋ ايتارلىقتاي سەرپىن بەردى»، دەدى ءاليحان سمايىلوۆ.

وسىلايشا، جەڭىل اۆتوموبيلدەر، ەلەكتروۆوزدار مەن تراكتورلار ءوندىرىسىن قوسا العاندا، $450 ملن-عا جۋىق سوماعا 13 ءىرى جوبا بىرلەسىپ ىسكە اسىرىلدى. جالپى قۇنى $3 ملرد بولاتىن تاعى 9 ءىرى بىرلەسكەن جوبا ىسكە اسىرىلۋ ساتىسىندا.

«بۇگىندە قازاقستان مەن رەسەي كاسىپورىندارى يننوۆاتسيالىق ونەركاسىپتىك جوبالاردى جۇزەگە اسىرۋعا تولىق دايىن. سوندىقتان، ونەركاسىپتىڭ 7 سالاسىنداعى تاعى 22 جوبا بويىنشا ىنتىماقتاستىقتى كوزدەيتىن بىرلەسكەن ءىس-قيمىلدىڭ جاڭا باعدارلاماسىنا قول قويۋ ماڭىزدى ەكەنىن ەرەكشە اتاپ وتكىم كەلەدى»، دەدى قر پرەمەر-ءمينيسترى.

ءاليحان سمايىلوۆ قازاقستان مەن رەسەي عىلىمي-تەحنيكالىق، يننوۆاتسيالىق جانە وندىرىستىك سالالارداعى كووپەراتسياعا باعىتتالعان جاڭارتىلعان تەحنولوگيالىق بازانى قۇرۋ بويىنشا ءوزارا ءىس-قيمىل جاساي باستاعانىن ەسكە سالدى.

ۇكىمەت باسشىسىنىڭ ايتۋىنشا، بۇل ءۇشىن قازاقستاندا ونەركاسىپتىڭ ءوسۋىن ىنتالاندىرۋ بويىنشا قاجەتتى قۇقىقتىق جانە ينستيتۋتسيونالدىق نەگىز، ونىڭ ىشىندە شيكىزاتتىڭ جەتكىلىكتى كولەمىمەن قامتاماسىز ەتۋ تەتىگى مەن ۇزاق مەرزىمدى شارتتاردىڭ قۇرالى بار.

بۇدان باسقا، ونەركاسىپتى دامىتۋ قورىنىڭ ماقساتتارى، مىندەتتەرى مەن فۋنكتسيالارى قايتا قارالدى: ونىڭ جۇمىسى جابدىقتار مەن تەحنيكانى ساتىپ الۋدى ليزينگتىك قارجىلاندىرۋعا، سونداي-اق جەڭىلدىكتى مولشەرلەمەمەن ونەركاسىپتىك-يننوۆاتسيالىق جوبالاردى كرەديتتەۋگە شوعىرلاندىرىلاتىن بولادى.

«تۇتاستاي العاندا، بۇل شارالار جوعارى تەحنولوگيالىق سالالاردىڭ وسۋىنە جانە باسەكەگە قابىلەتتى ءونىم شىعارۋعا ىقپال ەتەدى. سوندىقتان تاريحي قالىپتاسقان ەكىجاقتى بايلانىستار، قۋاتتى رەسۋرستىق بازا جانە ءبىزدىڭ ەكونوميكالىق ينتەگراتسيامىزدىڭ ارتىقشىلىقتارى تولىق كولەمدە پايدالانىلۋى ءتيىس»، دەپ اتاپ ءوتتى ءاليحان سمايىلوۆ.

ءسوز سوڭىندا ول ونەركاسىپتىك ىنتىماقتاستىقتى ىنتالاندىرۋ قازاقستان مەن رەسەيدىڭ يگىلىگىنە جۇمىس ىستەپ، ءوزارا ءتيىمدى كووپەراتسيا ەكونوميكانىڭ ودان ءارى وسۋىنە تۇراقتى تىرەك بولاتىنىنا سەنىم ءبىلدىردى.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار