قازاقستان • 04 شىلدە، 2022

باعانىڭ نەگىزسىز وسۋىنە جول بەرمەۋ كەرەك – ەرالى توعجانوۆ

27 رەت كورسەتىلدى

قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن مەملەكەتتىك ورگانداردىڭ تالداۋ جانە بولجامدىق قىزمەتىنىڭ تاۋەكەلىن كۇشەيتۋ ماسەلەلەرى بويىنشا كەڭەس ءوتتى، دەپ حابارلايدى Egemen.kz.

كەڭەسكە ورتالىق مەملەكەتتىك ورگاندار مەن نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدىكتەرى قاتىستى.

جيىندا حالىقتى تولعاندىراتىن ماسەلەلەر تالقىلاندى، ولاردى مەملەكەتتىك ورگاندار مەن اكىمدىكتەر الدىن الا بولجاپ، ولاردى شەشۋ ءۇشىن ناقتى الگوريتم ازىرلەۋى قاجەت ەكەنى ايتىلدى.

«ۋاقىتىندا شەشىلمەگەن ماسەلە حالىقتىڭ نارازىلىعىن تۋدىرۋى مۇمكىن. سوندىقتان مەملەكەتتىك ورگاندار تاۋەكەلدەردى ۇنەمى تالداپ، ولاردى شەشۋگە ءاردايىم دايىن بولۋعا ءتيىس»، دەدى ەرالى توعجانوۆ.

كەڭەس اياسىندا مەملەكەتتىك ورگانداردىڭ جالاقىسى، كوممۋنالدىق تاريفتەر، الەۋمەتتىك ماڭىزى بار تاۋارلار مەن ونىمدەردىڭ باعاسىن رەتتەۋ، ەلەكتر ەنەرگياسىن ءوندىرۋ، كومىر جەتكىزۋ، ججم-مەن قامتاماسىز ەتۋ، قوقىس پوليگوندارى سەكىلدى ماسەلەلەردى شەشۋ جونىندەگى ەسەپتەرى تىڭدالدى.

كەڭەس بارىسىندا ءبىلىم جانە عىلىم مينيسترلىگىنە جانە اكىمدىكتەرگە پەداگوگتەرگە جالاقىنى ۋاقىتىلى تولەۋدى قامتاماسىز ەتۋ، اۋىل شارۋاشىلىعى مينيسترلىگىنە الەۋمەتتىك ماڭىزى بار ازىق-ت ۇلىك ونىمدەرى باعاسىنىڭ نەگىزسىز وسۋىنە جول بەرمەۋ ءۇشىن ءوندىرىس پەن تۇتىنۋ تەڭگەرىمىنىڭ ناقتى بولجامىن ازىرلەۋ تاپسىرىلدى.

توعجانوۆ اتاپ وتكەندەي، بالالاردى وقۋ جىلىنا دايىنداۋ ماۋسىمى الدا تۇر، بۇل دا حالىق شىعىندارىنىڭ ارتۋىمەن قاتار ءجۇرۋى مۇمكىن. سوندىقتان باعانى تۇراقتاندىرۋ ءۇشىن قولدانىستاعى نارىقتىق قۇرالداردىڭ مۇمكىندىكتەرىن بارىنشا پايدالانۋ قاجەت.

كەڭەس قورىتىندىسى بويىنشا بارلىق مەملەكەتتىك ورگاندار مەن وڭىرلەر اكىمدىكتەرىنىڭ الدىنا كەلەسى مىندەتتەر قويىلدى:

جالاقى بويىنشا بەرەشەكتىڭ پايدا بولۋىنا جول بەرمەۋ;

بارلىق ىقتيمال تاۋەكەلدەردى تۇراقتى نەگىزدە تالداۋ جانە سالانىڭ پروبلەمالىق ماسەلەلەرىن شەشۋ بويىنشا قادامدىق ءىس-قيمىلدار الگوريتمىن ازىرلەۋ;

پروبلەمالىق ماسەلەلەر بولعان جاعدايدا ولاردىڭ شەشىمىن ەرەكشە باقىلاۋعا الۋ;

مەملەكەتتىك ورگانداردىڭ اقپاراتتىق، ءتۇسىندىرۋ جۇمىستارىن كۇشەيتۋ، الەۋمەتتىك جەلىلەردەگى الاڭداردى بەلسەندى تۇردە جىلجىتۋ، سونداي-اق حالىقتىڭ سۇراقتارىنا تۇراقتى تۇردە جاۋاپ بەرۋ.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار