اقتوبەلىكتەر مۇنىڭ الدىندا قاتارىنان ءۇش رەت جەڭىسكە جەتكەن ەدى. سونىڭ ىشىندە ەل چەمپيونى قوستانايدىڭ «توبىلى» مەن «استانانى» ۇتتى.
ايتا كەتسە, الاڭ يەلەرى سوڭعى بەس ويىننىڭ بىرەۋىندە عانا جەڭىسكە جەتتى. بۇل - قازاقستاندىق مامان ۆاحيد ماسۋدوۆتىڭ «شاحتەردىڭ» باس باپكەرى رەتىندەگى العاشقى ماتچى.
ءبىرىنشى تايمدا قاراعاندىلىق تيمۋر دوسماعامبەتوۆ 12-مينۋتتا 11 مەترلىك ايىپ دوبىن مۇلتىكسىز ورىندادى. 47-مينۋتتا رومان مۋرتازاەۆ ەسەپتى 2:0-گە جەتكىزدى.
ەكىنشى تايمدا قوناقتار باسىمدىلىق تانىتتى. ت. دوسماعامبەتوۆ ءوز الاڭىندا قولمەن ويناعاننان كەيىن الىبەك قاسىم 54-مينۋتتا پەنالتيدەن ءمۇلت كەتكەن جوق. جەرار گوۋ 75-مينۋتتا تارازى باسىن تەڭەستىرسە, 82-مينۋتتا «اقتوبەنىڭ» سۇرمەرگەنى ۋگو ۆيدەمونت جەڭىس گولىن سوعىپ كەتتى. ەسەپ - 3:2.
وسىلايشا, 26 ۇپاي جيناعان اندرەي كارپوۆيچتىڭ شاكىرتتەرى تۋرنير كەستەسىندە ءبىرىنشى ورىنعا شىقتى.
