وقيعا • 01 شىلدە، 2022

اقسۋ ەلەكتر ستانتسياسىندا جۇمىسشى قازا تاپتى

14 رەت كورسەتىلدى

اقسۋ ەلەكتر ستانتسياسى قازاندىق-تۋربينالىق تسەحىنىڭ قازاندىق بولىمشەسىندە بولعان قايعىلا وقيعادان ءبىر ادام كوز جۇمدى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

«ERG Service» جشس ءباسپاسوز قىزمەتىنىڭ مالىمەتىنشە، 30 ماۋسىمدا ساعات 22.03-تە اتالعان سەرىكتەستىكتىڭ قىزمەتكەرى كوز جۇمعان. «قازاندىق جانە شاڭ دايىنداۋ تسەحتارىن جوندەۋ جونىندەگى سلەسار مەحانيزمنىڭ ىشىندە جۇمىس ىستەپ جاتقان. جازاتايىم وقيعا تۋرالى مەملەكەتتىك ورگاندارعا حابارلاندى، تەرگەۋ باستالدى.

«ERG Service» جشس ۇجىمى مەن باسشىلىعى مارقۇمنىڭ تۋىستارى مەن جاقىندارىنا كوڭىل ايتادى. كومپانيا وتباسىنا قاجەتتى كومەك كورسەتەدى»، دەلىنگەن حابارلامادا.

وبلىستىق دەنساۋلىق ساقتاۋ باسقارماسىندا 30 ماۋسىمدا 103 جەلىسى بويىنشا اقسۋ قالاسى ەەك اق ستانتسياسى مەكەنجايى بويىنشا شاقىرۋ تۇسكەنىن حابارلادى.

«جەدەل جاردەم توعىز مينۋتتا جەتتى. زارداپ شەككەن ەر ادام - 1985 جىلى تۋعان ماشينيست-قاراۋشى كوز جۇمدى»، دەدى باسقارمادان.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار