ەلوردادا «نۇر-سۇلتان قالاسى اۋماعىنداعى كولىك جانە وزگە دە جىلجىمالى قۇرالداردىڭ ەكولوگيالىق مونيتورينگى» جوباسى تانىستىرىلدى. ونى جۇزەگە اسىرۋمەن قالالىق قورشاعان ورتانى قورعاۋ جانە تابيعاتتى پايدالانۋ باسقارماسى جانە «ەكوسەرۆيس-س» جشس اينالىسادى.
«تابيعاتتى قورعاۋ شاراى اياسىندا اۆتوكولىك قۇرالدارىنىڭ اۋانىڭ لاستاۋىن مونيتورينگىلەۋ بويىنشا جوبانى ىسكە قوسامىز. زەرتحانالار كولىكتەن شىعاتىن گازداردى زەرتتەيتىن بولادى, بىراق ءبىز وسى ءىس-شارالاردى وسى جىلى ىلكى جوبا رەتىندە ىسكە اسىرامىز. ول بىزدە پروفيلاكتيكالىق ارەكەت رەتىندە بولادى. تەكسەرىلەتىن جانە مونيتورينگ جۇرگىزىلەتىن ماشينالار ءۇشىن الدىمەن ءتۇسىندىرۋ جۇمىستارىن جۇرگىزىلىپ, ولارعا قاتىستى الدىن الۋ شارالارى قولدانىلاتىن بولادى. كەيىننەن پروتسەسس جاقسارعان كەزدە, ەگەر بۇزۋشىلىقتار قايتا انىقتالاتىن بولسا, وندا اكىمشىلىك شارالار قولدانىلادى», دەپ حابارلادى نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى جانار بەسكەمپىروۆا.
قورشاعان ورتا ساپاسىنىڭ ماقساتتى كورسەتكىشتەرىن باقىلاۋ اتموسفەرالىق اۋانى لاستاۋدىڭ نەگىزگى كوزى اۆتوكولىك ەكەنىن كورسەتتى, بۇل پاندەميا كەزىندە دالەلدەندى. جىلجىمالى ەكولوگيالىق بەكەتتەر كوپكومپونەنتتى گاز تالداعىشتار مەن ءتۇتىن ولشەگىشتەردىڭ كومەگىمەن بەنزيندى جانە گازدى قوزعالتقىشتارمەن جابدىقتالعان اۆتوموبيلدەردىڭ پايدالانىلعان گازدارىن كومىرسۋتەگىنىڭ, كومىرتەگى توتىعىنىڭ, كومىرتەگى ديوكسيدىنىڭ, ازوت توتىعىنىڭ, وتتەگىنىڭ بولۋىنا ولشەيدى.
ء«بىرىنشى كەزەڭدە ەكى جىلجىمالى زەرتحانا ولشەۋ جۇرگىزەتىن بولادى. بۇل زەرتحانالار سەرتيفيكاتتالعان. بارلىق قۇرىلعىلار مەملەكەتتىك تىزىلىمگە ەنگىزىلگەن», دەپ ءتۇسىندىردى «ەكوسەرۆيس-س» جشس ديرەكتورى عالىم بەركىنباەۆ.
جوبانى ساپالى ىسكە اسىرۋ ماقساتىندا بۇدان بۇرىن قورشاعان ورتانى قورعاۋ جانە تابيعاتتى پايدالانۋ باسقارماسى, نۇر-سۇلتان قالاسىنىڭ پوليتسيا دەپارتامەنتى جانە «ەكوسەرۆيس-س» جشس اراسىندا ۇشجاقتى مەموراندۋم جاسالدى.
