ۇكىمەت • 01 شىلدە، 2022

ۇكىمەتتە ەكونوميكانى دەمونوپوليزاتسيالاۋ جونىندەگى كوميسسيانىڭ وتىرىسى ءوتتى

15 رەت كورسەتىلدى

قر پرەمەر-ءمينيسترى ءاليحان سمايىلوۆ ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسىن وتكىزدى، دەپ حابارلايدى Egemen.kz.

وندا باسەكەلەستىكتى قورعاۋ جانە دامىتۋ اگەنتتىگىنىڭ باستى تاۋار نارىقتارىن رەفورمالاۋ جونىندەگى ۇسىنىستارى قارالدى.

اتاپ ايتقاندا، مۇناي نارىعىنداعى قاتىسۋشىلار سانىن ارتتىرۋ، سونداي-اق جالپى، مۇناي جانە مۇناي ونىمدەرى نارىعىنداعى جاعدايدى جاقسارتۋ ءۇشىن ءموز مۇنايدى جەر قويناۋىن پايدالانۋشىلاردان تىكەلەي ساتىپ الۋ، مۇنايدىڭ بيرجالىق ساۋدا-ساتتىعىن ەنگىزۋ، مۇناي ونىمدەرىن ساتۋ كولەمىن ۇلعايتۋ جانە ت.ب. ۇسىنىلدى.

تاۋارلىق گاز نارىعىن رەفورمالاۋ بويىنشا بيرجالىق ساۋدا-ساتتىقتى ەنگىزۋ جانە جەر قويناۋىن پايدالانۋشىلاردىڭ تاۋارلىق گازعا قول جەتكىزۋ ەرەجەلەرىن قابىلداۋ ۇسىنىلدى، بۇل جابدىقتاۋشى ۇيىمدارعا ونى تىكەلەي جانە باسەكەلەستىك نەگىزدە الۋعا مۇمكىندىك بەرەدى.

ءاليحان سمايىلوۆ ەنەرگەتيكا مينيسترلىگىنە جانە مۇددەلى مەملەكەتتىك ورگاندارعا بۇل تاسىلدەردى ەل ەكونوميكاسىنا اسەر ەتۋ تۇرعىسىنان قوسىمشا تالداۋدى تاپسىردى.

سونداي-اق وتىرىستا ازاماتتىق اۆياتسيا، قوعامدىق كولىك جانە قارجىلىق قىزمەتتەر نارىقتارىن دەمونوپوليزاتسيالاۋ جونىندەگى شارالار قارالدى.

جالپى، ۇكىمەت باسشىسى اۆياوتىنمەن بيرجالىق ساۋدا-ساتتىق ۇلەسىن 10-نان 20%-عا دەيىن ارتتىرۋ، اۋەجايلاردا اشىق اسپان رەجيمىن قولدانۋ مەرزىمىن 3-تەن 5 جىلعا دەيىن ۇلعايتۋ، ەل ىشىندەگى بانكتەر اراسىندا كليەنتتەردىڭ اعىمداعى شوتتارىن اۋدارۋ جۇيەسىن جانە اشىق بانكتىك باعدارلامالىق ينتەرفەيستەر ستاندارتتارىن (Open Banking ي Open API) ەنگىزۋ جونىندەگى ۇسىنىستاردى قولدادى. سونىمەن قاتار وتىرىس بارىسىندا ەلەكتر ەنەرگياسى، تەمىرجول جۇك جانە جولاۋشىلار تاسىمالى نارىقتارىن دەمونوپوليزاتسيالاۋ جونىندە ۇسىنىستار ايتىلدى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار