«AMANAT» پارتياسى فراكتسياسىنىڭ كەڭەيتىلگەن جيىنىندا قارجى ءمينيسترى وتكەن اپتادا پارلامەنت پايدالى قازبالاردى يگەرۋ سالىعىنىڭ مولشەرىن كوبەيتۋ ماسەلەسىن قاراعانىن ەسكە سالدى.
«بۇل جىلىنا بيۋدجەتكە 200 ملرد تەڭگەگە دەيىن قوسىمشا ءتۇسىم الۋعا مۇمكىندىك بەرەدى. نەگىزى بۇل ماسەلەنى ءبىز بيزنەسپەن, تاۋكەن كاسىپورىندارىمەن تالقىلاپ باستاعان كەزدە 300 ملرد تەڭگەنىڭ مەجەسى قويىلعان ەدى. بىراق ۇزاق تالقىلاۋلاردان كەيىن ورتاق ءبىر توقتامعا كەلدىك. بىراق كەلەسى جىلى كەن يگەرۋشىلەر پايدالى قازبالاردى يگەرۋ سالىعىنان بوساتىلادى. ونداي كاسىپورىندار 5 جىلدىڭ ىشىندە 15% تيىمدىلىككە قول جەتكىزۋى كەرەك», دەدى ەرۇلان جاماۋباەۆ.
