ايماقتار • 28 ماۋسىم، 2022

شقو-دا «BALKARAGAI TUNES» حالىقارالىق مۋزىكا فەستيۆالى وتەدى

33 رەت كورسەتىلدى

1-2 شىلدەدە شىعىس قازاقستان وبلىسىنىڭ كاتونقاراعاي اۋدانىندا شىعارماشىلىقپەن رۋحتانعان، التاي اۋەندەرىن اۋەلەتكەن ونەرپازداردىڭ باسى قوسىلاتىن «BALKARAGAI TUNES» حالىقارالىق مۋزىكالىق فەستيۆالى وتەدى، دەپ حابارلايدى Egemen.kz.

كاتونقاراعاي – ءتۇرلى دىندەر مەن نانىمداردىڭ، وتكەنىمىز بەن بۇگىنىمىزدىڭ، ءارتۇرلى ەتنوستار مەن داستۇرلەردىڭ ۇيلەسىمدى ءومىر سۇرەتىن بىرەگەي مەكەن. فەستيۆال ءۇش نەگىزگى ەرەكشە باعىت بويىنشا وتەدى:

BALKARAGAI TUNES ETHNO (WORLD MUSIC)

ءداستۇرلى ۇلتتىق جانە تانىمال مۋزىكانى فولكلور ەلەمەنتتەرىمەن بىرىكتىرەتىن زاماناۋي مۋزىكانىڭ ماڭىزدى باعىتتارىنىڭ ءبىرى.

BALKARAGAI TUNES CLASSIC (كلاسسيكالىق مۋزىكا)

الەمدىك مۋزىكالىق يدەيانىڭ ۇزدىك جەتىستىكتەرى – ساپانى، زياتكەرلىكتى، سۇلۋلىق پەن قۇندىلىقتى بەينەلەيدى.

BALKARAGAI TUNES FOLK ء(داستۇرلى مۋزىكا جانە فولكلور)

تۇركى الەمىنىڭ عاسىرلىق مۋزىكالىق جانە پوەتيكالىق داستۇرلەرى، ءار عاسىر شەبەرلەرىنىڭ كەمەڭگەر تۋىندىلارى ورىندالادى.

ءىس-شارا اياسىندا بالالار مەن جاس مۋزىكانتتارعا ارنالعان شەبەرلىك سىنىپتارى، شىعارماشىلىق كەزدەسۋلەر، ەتنيكالىق كيىمدەر مەن ۇلتتىق كوستيۋمدەردىڭ كورسەتىلىمدەرى جوسپارلانىپ وتىر.

ەتنوفەستيۆالدىڭ قازاقستاننىڭ ەڭ كورىكتى جەرلەرىنىڭ ءبىرى – كاتونقاراعاي اۋدانىندا وتەتىنى كەزدەيسوق ەمەس. تۇركى الەمىنىڭ بەسىگى سانالاتىن ۇلى التايدىڭ وڭتۇستىك بولىگىندە ورنالاسقان، قازاقستاننىڭ كيەلى كارتاسىندا وزىندىك ورنى بار كاتونقاراعاي ءوزىنىڭ ەجەلگى تابيعي سۇلۋلىعىن ساقتاپ قالعان كيەلى مەكەن.

فەستيۆال اياسىندا كونە «باتا» ءراسىمى وتەدى، وندا مۋزىكانتتار قاسيەتتى كاتونقاراعاي جەرىنەن باتا الىپ، بالقاراعاي وتىرعىزىپ، سول ارقىلى ولكەنىڭ رۋحاني ءارى تابيعي سۇلۋلىعىنا ءوز ۇلەستەرىن قوسادى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار