ءباسپاسوز ءماسليحاتىندا ايماق باسشىسى وڭىردە حالىقتى ساپالى مەديتسينالىق قىزمەتپەن قامتاماسىز ەتۋ بويىنشا قولعا الىنعان جۇمىستارعا توقتالدى.
«وڭىردە دەنساۋلىق ساقتاۋ نىساندارىنىڭ ماتەريالدىق-تەحنيكالىق بازاسى جاقسارىپ كەلەدى. ونىڭ ىشىندە 2,2 ملرد تەڭگەگە 150 مەديتسينالىق تەحنيكا ساتىپ الىندى. بيىل «رەانيماتسيا», «حيرۋرگيا», «وفتالمولوگيا» بەيىندەرىن جابدىقتاۋ ءۇشىن 32 مەديتسينالىق جابدىق ساتىپ الۋ جوسپارلانعان. بۇدان بولەك, كوكشەتاۋ قالاسىندا مەملەكەتتىك-جەكەمەنشىك ارىپتەستىك اياسىندا 630 ورىندىق زاماناۋي كوپبەيىندى اۋرۋحانا سالىنادى. بۇل جوبا ءوڭىر ءۇشىن وتە ماڭىزدى. قازىر دايىندىق شارالارى ءجۇرىپ جاتىر, سارىارقا شاعىناۋدانىندا اۋرۋحانا قۇرىلىسى ءۇشىن 17 گەكتار جەر تەلىمى ءبولىندى», دەدى ەرمەك مارجىقپاەۆ.
ايماق باسشىسى اتاپ وتكەندەي, بيىل قوسشى قالاسىندا 100 كەلۋشىگە ارنالعان ەمحانا قۇرىلىسى جانە قوياندى اۋىلىنا 50 كەلۋشىگە ارنالعان العاشقى مەديتسينالىق-سانيتارلىق كومەك ورتالىعىنىڭ قۇرىلىسى اياقتالماقشى.
ايانا توعانبەك
