سالتاناتتى ءراسىم بارىسىندا پارتيانىڭ اتقارۋشى حاتشىسى اسحات ورالوۆ بۇل مەديا سىيلىقتىڭ 10 جىلدان استام تاريحى بار ەكەنىن اتاپ ءوتتى. بيىل جاڭا فورماتتا ۇيىمداستىرىلعان بايقاۋ جانرلىق سيپاتتان تاقىرىپتىق باعىتقا اۋىسىپ, قوسىمشا احمەت بايتۇرسىن ۇلى اتىنداعى ء«سوز زەرگەرى» جانە شەرحان مۇرتازا مەن كامال سمايىلوۆ اتىنداعى «تەلەۆيزيا ۇزدىگى» ارنايى سىيلىقتارى ەنگىزىلدى.
«اmanat مەديا سىيلىعى – حالىقتىڭ ۇزدىك جۋرناليستەرگە بىلدىرگەن العىسى. سەبەبى جۋرناليست – حالىق ءۇنىن جەتكىزەتىن, مەملەكەت مۇددەسى ءۇشىن كۇرەسەتىن تۇلعا. وسى سالتاناتتى كەشكە ۇزدىكتەردىڭ ۇزدىگىن انىقتاۋ ءۇشىن جينالىپ وتىرمىز. مەنىڭ ويىمشا, جۋرناليست دەگەن ماماندىقتى تاڭداۋدىڭ ءوزى ۇزدىك بولۋ. ەلىمىزدە پرەزيدەنت قاسىم-جومارت توقاەۆتىڭ جەتەكشىلىگىمەن وتە ۇلكەن, تاريحي وزگەرىستەر ءجۇرىپ جاتىر. ونىڭ ءمان-مازمۇنىن حالىققا جەتكىزۋ ءىسى ۇلكەن جاۋاپكەرشىلىكتى, اسا زور شەبەرلىك پەن كاسىبيلىكتى تالاپ ەتەدى. بۇل مىندەتتى سىزدەر وتە جوعارى دەڭگەيدە اتقارىپ كەلەسىزدەر. بايقاۋ جاڭا قازاقستاندى قۇرۋ ىسىندە ەلىمىزدىڭ اقپاراتتىق كەڭىستىگىن كۇشەيتۋگە ىقپال ەتەرى ءسوزسىز», دەدى اسحات ورالوۆ.
بايقاۋ كوميسسياسىنىڭ توراعاسى, بەلگىلى جۋرناليست, اقىن, ءماجىلىس دەپۋتاتى جاناربەك ءاشىمجاننىڭ ايتۋىنشا, بيىل قازىلار القاسىنا 260-تان استام ءوتىنىم جولدانعان.
«بيىل كەلىپ تۇسكەن جۇمىستاردىڭ 70 پايىزدان استامى تەك ايماقتىق بۇقارالىق اقپارات قۇرالدارىنان, ياعني وڭىرلەردەن جولدانعانى قۋانتتى. جاس جۋرناليستەر دە بەلسەندىلىك تانىتتى. ياعني وتاندىق جۋرناليستيكادا قالامى توسەلگەن مەترلەرمەن قاتار جاس مامانداردىڭ تاراپىنان دا ۇلكەن قىزىعۋشىلىقتى بايقادىق. ارينە, بۇل بايقاۋ ولاردىڭ شىعارماشىلىق شەبەرلىگىن شىڭداي تۇسەرى انىق. Amanat مەديا سىيلىعىنىڭ باستى ماقساتى دا سول», دەپ اتاپ ءوتتى جاناربەك ءاشىمجان.
سونىمەن بايقاۋ كوميسسيانىڭ شەشىمىمەن Amanat مەديا سىيلىعىنىڭ جەڭىمپازدارى بولىپ «جاڭا قازاقستاندى» قۇرۋ تۋرالى ۇزدىك ماتەريال» اتالىمى بويىنشا «كتك» تەلەارناسىنىڭ ءتىلشىسى اسقاربەك قازانعاپ, «الەۋمەتتىك ماسەلەگە ارنالعان ۇزدىك ماتەريال» اتالىمى بويىنشا «پريكاسپيسكايا كوممۋنا» قوعامدىق-ساياسي گازەتىنىڭ اعا ءتىلشىسى انجەلا لي, «ايماق تۋرالى ۇزدىك ماتەريال» اتالىمى بويىنشا «حابار24» تەلەارناسىنىڭ اقمولا وبلىسى بويىنشا ءتىلشىسى دامير شايداروۆ, «جاستار تۋرالى ۇزدىك ماتەريال» اتالىمى بويىنشا Dalanews.kz اقپاراتتىق اگەنتتىكتىڭ اباي وبلىسىنداعى ءتىلشىسى قۋانىش سماعۇلوۆ, «رۋحاني-مادەني دامۋعا ارنالعان ۇزدىك ماتەريال» اتالىمى بويىنشا «حابار» تەلەارناسىنىڭ ءتىلشىسى ينديرا جىلقايداروۆا, «مەملەكەتتىك رامىزدەرىنىڭ 30 جىلدىعى تۋرالى ۇزدىك ماتەريال» اتالىمى بويىنشا جاڭاقورعان اۋداندىق «جاڭاقورعان تىنىسى» گازەتىنىڭ ءتىلشىسى الىبەك جارىقباەۆ جانە «Amanat پارتياسىنىڭ ترانسفورماتسياسى تۋرالى ۇزدىك ماتەريال» اتالىمى بويىنشا پرەزيدەنت تەلەراديوكەشەنىنىڭ رەجيسسەرى ۆاديم شيرياەۆ ماراپاتتالدى.
ال ارنايى سىيلىقتاردىڭ ءبىرىن – احمەت بايتۇرسىن ۇلى اتىنداعى ء«سوز زەرگەرى» سىيلىعىن ارىپتەسىمىز, Egemen Qazaqstan رەسپۋبليكالىق گازەتىنىڭ تۇركىستان وبلىسى بويىنشا ءتىلشىسى عالىمجان ەلشىباي يەلەندى. شەرحان مۇرتازا مەن كامال سمايىلوۆ اتىنداعى «تەلەۆيزيا ۇزدىگى» سىيلىعى Qazaqstan ۇلتتىق تەلەارناسىنىڭ اقپاراتتىق-ساراپتامالىق باعدارلامالار ديرەكتسياسىنىڭ باسشىسى جالعاس التاەۆقا بۇيىرسا, «بەلسەندى ازاماتتىق ۇستانىمى ءۇشىن» سىيلىعى بلوگەر, موتيۆاتسيالىق كىتاپتاردىڭ اۆتورى, تەلەجۇرگىزۋشى داۋلەت مۇقاەۆقا بەرىلدى.
بايقاۋ جەڭىمپازدارىنىڭ ءبىرى ينديرا جىلقايداروۆا جاڭعىرۋ جولىنا تۇسكەن Amanat پارتياسىنىڭ مەديا سىيلىعىنا يە بولۋ ۇلكەن مارتەبە ەكەنىن اتاپ ءوتتى. «Amanat – ەلدىڭ سەنىمىن, اماناتىن ارقالاعان پارتيا. بۇگىنگى بايقاۋدا مەنىڭ مۇقاعالي ماقاتاەۆتىڭ 91 جىلدىعى تۋرالى جاساعان بەينەماتەريالىم ەلەنىپ جاتىر. بىزدەر, ياعني جۋرناليستەر قاۋىمى, پارتيا دا ەلدىڭ يگىلىگى, قوعامنىڭ دامۋى جولىندا قىزمەت ەتىپ ءجۇرمىز. ەل قامى ءۇشىن ەڭبەك ەتە بەرىڭىزدەر», دەدى ول.
سالتاناتتى ءىس-شارادا ءوزىنىڭ جۇرەكجاردى لەبىزىمەن «جاڭاقورعان تىنىسى» گازەتىنىڭ ءتىلشىسى الىبەك جارىقباەۆ تا ءبولىستى. «وسىنداي ۇلكەن بايگەنىڭ جۇلدەسى بۇيىرادى دەپ كۇتپەدىم. اۋداندىق گازەتتە جۇمىس ىستەپ ءجۇرىپ, رەسپۋبليكالىق بايقاۋدىڭ جەڭىمپازى بولۋ, بىزدەرگە شالقار شابىت سىيلاپ, شىعارماشىلىعىمىزدى شىڭداي تۇسەدى. Amanat پارتياسىنىڭ سەنىمىن ارقالادىق, ەندى وسى جولدان تايماي, ۇلتقا قىزمەت ەتۋدى جالعاستىرامىز», دەدى جۋرناليست.
