ءبىلىم • 24 ماۋسىم، 2022

«IQanat» قورى اۋىل وقۋشىلارىنىڭ ساپالى ءبىلىم الۋعا قولجەتىمدىلىگىن ارتتىرادى

19 رەت كورسەتىلدى

ەلوردادا IQanat رەسپۋبليكالىق وقۋشىلار سلەتى ءوتىپ، وعان ەلىمىزدىڭ بارلىق وبلىسىنداعى 164 اۋدان اۋىلدارىنان 750 وقۋشى قاتىستى، دەپ حابارلايدى Egemen.kz.

ءتيىستى ماۋسىم وليمپيادا جەڭىمپازدارىن ماراپاتتاۋ راسىمىمەن جارقىن اياقتالىپ، سونداي-اق قازاقستاندىق ەسترادا جۇلدىزدارىنىڭ قاتىسۋىمەن ناعىز مەرەكەگە اينالدى.

سلەتتىڭ سوڭعى كۇنى مازمۇندى ءارى وتە قىزىقتى بولدى. بالالار ءبىلىم سالاسىنداعى العاش «وسكار» سالتاناتىنا - IQanat رەسپۋبليكالىق سلەتىنە قاتىسۋشىلاردى ماراپاتتاۋ راسىمىنە قاتىستى.

بالالاردى وسىنداي اۋقىمدى شارانىڭ اياقتالۋىمەن قۇتتىقتاۋعا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ، «IQANAT ءبىلىم بەرۋ قورى» قق قامقورشىلىق كەڭەسىنىڭ توراعاسى ايدىن راحىمباەۆ، قوردىڭ قامقورشىلارى مەن جوبا تالىمگەرلەرى كەلدى.

«IQANAT ءبىلىم بەرۋ قورى» قق اتقارۋشى ديرەكتورى كاميلا باشاروۆا سلەتكە بارلىق قاتىسۋشى «جۇزدەن جۇيرىك، مىڭنان تۇلپار» ەكەنىن، سوندىقتان وزدەرىمەن جاستى 36 مىڭ قاتارلاستارىنان العا سۋىرىلىپ شىعىپ، بۇگىن وسىندا وتىرعاندارىن اتاپ ءوتتى.س

«مۇندا جەڭىلىس تاپقاندار جوق، سىزدەردىڭ ارقايسىلارىڭىز – كوپتەگەن كەدەرگىلەردى جەڭىپ، وسى جەردە باس قوسىپ وتىرسىزدار. بارلىعىڭىزدى سلەتتىڭ ءساتتى اياقتالۋىمەن قۇتتىقتاپ، جۇرەگىڭىزدە ءبىلىم مەن جاڭالىقتارعا دەگەن قۇشتارلىق پەن سۇيىسپەنشىلىكتى، ءبارىن جاساي الاتىندىعىڭىزعا سەنىمدى بولۋعا كومەكتەستىك دەپ ۇمىتتەنەمىن! ءتىپتى 100 بالا عانا مەكتەبىمىزگە گرانت العانىمەن، قالعان 650-ءى ءبىزدىڭ وليمپيادالىق ءبىلىم بەرۋ باعدارلامالارىمەن قامتىلادى جانە 11-سىنىپقا دەيىن ۇبت-نى تابىستى تاپسىرۋعا جەتكىزەتىن بولامىز»، دەپ اتاپ ءوتتى كاميلا باشاروۆا.

اتالعان كەشتە IQanat High School of Burabay مەكتەبىندە وقۋعا شاقىرۋ العان 100 وليمپيادا جەڭىمپازىنىڭ ەسىمى بەلگىلى بولدى.

«وتە قۋانىشتىمىن جانە ءالى كۇنگە دەيىن IQanat گرانتىن العانىما سەنبەي ءجۇرمىن. مەن ءۇشىن بۇل كەرەمەت مۇمكىندىك جانە ونى مىندەتتى تۇردە قولدانامىن. بولاشاقتا قانداي ماماندىق تاڭداسام دا، قازاقستان تاريحىندا ءوز ءىزىمدى قالدىرۋدى ارماندايمىن. وسى 5 كۇن ىشىندە ءبىز ەرەكشە شابىت پەن ءبىلىم العانىمىز سونشالىق، ەندى وسىنىڭ بارلىعىن دۇرىس ارناعا باعىتتاۋ كەرەك»، دەيدى قاراعاندى وبلىسى اباي اۋدانى توپال اۋىلىنان كەلگەن ارمان ايتقاليەۆ.

ء«جۇز جەڭىمپاز قاتارىنا كىرە الماعانىما قاراماستان، وتە قۋانىشتىمىن. ويتكەنى ەلىمىزدىڭ استاناسىندا وسىنداي ۇلكەن مەرەكەگە قاتىسۋ مۇمكىندىگىن يەلەندىم. وقۋ-اعارتۋ ءمينيسترى اسحات قانات ۇلى ايماعامبەتوۆپەن ىنتالاندىراتىن كەزدەسۋدە ول ءبىزدىڭ، ياعني قازىرگى بالالار ءۇشىن كوپتەگەن مۇمكىندىكتەر بار ەكەنىن ايتتى. سوندىقتان مەن ءوز ارمانىمدى ورىنداۋ ءۇشىن بارلىق مۇمكىندىكتى پايدالاناتىن بولامىن»، دەيدى سولتۇستىك قازاقستان وبلىسى ايىرتاۋ اۋدانى ساۋمالكول اۋىلىنان كەلگەن ديلناز جاقىپوۆا.

ەستەرىڭىزگە سالا كەتەيىك، IQanat رەسپۋبليكالىق وقۋشىلار سلەتى نۇر-سۇلتان قالاسىندا 21-24 ماۋسىم ارالىعىندا ءوتتى. رەسپۋبليكالىق وليمپيادا 1-كەزەڭدە ەلىمىزدىڭ بارلىق 164 اۋدانىنان سەگىزىنشى سىنىپتىڭ 36 مىڭ اۋىلدىق وقۋشىسىن قامتىسا، 2-كەزەڭدە 7 مىڭنان استام وقۋشى باق سىناپ، اقتىق سىنعا 750 بالا جەتتى. شارا شەڭبەرىندە 750 بالا ىرىكتەۋدىڭ اقتىق كەزەڭدەرىندە شىڭدالىپ، ترەنينگتەرگە، ساياحاتتارعا، جەتىستىكتەرگە جىگەرلەندىرەتىن كەزدەسۋلەرگە قاتىستى. ال سوڭعى كۇنى بالالار جىلىنا ارنالعان فلەش-موب ۇيىمداستىرىپ، وندا ەلىمىزدىڭ وقۋشىلارى ءبىلىم الۋعا جانە ءوزىن-ءوزى دامىتۋعا شاقىرىلدى.

«IQanat» وليمپياداسى جانە قوردىڭ باسقا باعدارلامالارى اۋىلدان كەلگەن مىڭداعان بالالارعا ەڭ جوعارى تەحنولوگيالى مەكتەپتەردىڭ ءبىرى - IQanat High School of Burabay مەكتەبىنە وقۋعا تۇسۋگە جانە بارلىق اقتىق سىنعا جەتۋشىلەردى وليمپيادادان كەيىنگى ءبىلىم بەرۋ باعدارلامالارىمەن سۇيەمەلدەۋگە، جوعارى بىلىكتى پەداگوگتارمەن پىكىرلەسۋدىڭ باعا جەتپەس تاجىريبەسىن الۋعا، كوكجيەكتى كەڭەيتىپ، جالپى ءومىر ءسۇرۋ دەڭگەيىن ارتتىرۋعا جانە سونىڭ ناتيجەسى رەتىندە الەمنىڭ ۇزدىك جوعارى وقۋ ورىندارىنا تۇسۋگە مۇمكىندىك بەرەدى.

ايتا كەتەيىك، «Iqanat» جوباسىن ىسكە اسىرۋ جانە اۋىل وقۋشىلارىنىڭ وسىنداي جوعارى ناتيجەگە قول جەتكىزۋى ولارعا كومەك كورسەتۋ نيەتىمەن بىرىككەن ىزگى جاندار – قوردىڭ قامقورشىلارىنىڭ قولداۋى ارقاسىندا مۇمكىن بولىپ وتىر. قوردىڭ وتكەن جىلدارداعى ءبىلىم بەرۋ باعدارلامالارىنىڭ تۇلەكتەرى - اۋىل مەكتەپتەرىنىڭ وقۋشىلارى Nazarbayev University، University of Purdue، Polytechnic University of Hong Kong، University of Chicago جانە تاعى باسقا وزىق جوعارى وقۋ ورىندارىنا ءتۇستى.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار