جاڭا باعدارلامانى جامبىل وبلىسىنىڭ اكىمدىگى مەن وتباسى بانك بىرلەسىپ جۇزەگە اسىرادى. جوبا بويىنشا جاسى 35-تەن اسپاعان: جاس مۇعالىمدەر, دارىگەرلەر, مەدبيكەلەر, مادەنيەت سالاسىنىڭ قىزمەتكەرلەرى, سپورتشىلار, جاتتىقتىرۋشىلار, جۋرناليستەر, ۋنيۆەرسيتەت وقىتۋشىلارى مەن عىلىمي قىزمەتكەرلەر باسپانالى بولا الادى.
باسپانا الۋعا 13 ملن تەڭگەگە دەيىن زاەم بەرىلەدى (ەگەر م ۇلىكتىڭ قۇنى ودان اساتىن بولسا, ساتىپ الۋشى ايىرماشىلىقتى ءوز قاراجاتى ەسەبىنەن تولەي الادى). باستاپقى جارنا – 5%, نەسيە بويىنشا سىياقى مولشەرلەمەسى – جىلدىق 5% (جتسم 5,2%), نەسيەنىڭ تولەم مەرزىمى – 19 جىلعا دەيىن.
باعدارلاماعا قاتىسۋشىلاردىڭ جامبىل وبلىسى اۋماعىنداعى رەسمي جۇمىس ءوتىلى ءوتىنىش بەرگەن كەزدە سوڭعى 12 ايدان كەم بولماۋى ءتيىس. تابىسى دا ەسكەرىلەدى. وتباسىنىڭ ءاربىر مۇشەسى ءۇشىن ول 3,9 ەسەلەنگەن ەڭ تومەنگى كۇنكورىس دەڭگەيىنەن اسپاۋى كەرەك (145 817 تەڭگە).
سونداي-اق باعدارلاماعا قاتىسۋشى مەن ونىڭ وتباسى مۇشەلەرىنىڭ اتىندا سوڭعى 5 جىلدا جىلجىمايتىن م ۇلىك بولماۋى كەرەك.
وتىنىمدەردى قابىلداۋ www.e-jambyl.kz پورتالىندا 20 شىلدە كۇنى باستالىپ, 30 شىلدەگە دەيىن جالعاسادى. ودان ءارى قاتىسۋشىلاردىڭ ءتىزىمى جاسالىپ, وتباسى بانكك جىبەرىلەدى. بانكتە ۇمىتكەر تولەم قابىلەتتىلىگىن تەكسەرىپ, نارىقتان پاتەر تابۋى قاجەت. باسپانانى العاشقى نەمەسە ەكىنشى نارىقتان جانە «قازاقستان تۇرعىن ءۇي كومپانياسى» اق كەپىلدىگىمەن سالىنىپ جاتقان نىسانداردان ساتىپ الۋعا بولادى.
ايتا كەتەيىك, قازىرگى تاڭدا وبلىستىڭ 35 جاسقا دەيىنگى 7 140 تۇرعىنى باسپانا كەزەگىندە تۇر. وتكەن جىلى مەملەكەتتىك باعدارلاما بويىنشا 318 ازامات پاتەر الدى. بيىل «اۋليەاتا جاستارى» باعدارلاماسى ءتيىمدى شارتتارمەن تۇرعىن ءۇي الۋدىڭ تاعى ءبىر قوسىمشا قۇرالى بولادى.
«جامبىل وبلىسىنىڭ اكىمدىگى جاڭا جوباعا 500 ملن تەڭگە ءبولدى, ال وتباسى بانك جەڭىلدەتىلگەن شارتتارمەن نەسيە بەرۋگە كومەكتەسەدى», دەيدى وتباسى بانك جامبىل وبلىستىق فيليالىنىڭ ديرەكتورى گۇلزات بەكنازاروۆا.
