«پراۆو» قق ىشكى ىستەر مينيسترلىگى كولىكتەگى پوليتسيا دەپارتامەنتىمەن ىنتىماقتاستىق اياسىندا «نۇرلى جول» ۆوكزالىنىڭ اۋماعىندا «مىقتى وتباسى ەسىرتكىدەن الشاق» اكتسياسىن وتكىزدى.
«بىزدە ناشاقورلىققا جانە ەسىرتكى زاتتارىنا قارسى كۇرەس بويىنشا جىل سايىن اكتسيا وتەدى. وسى اكتسيا بۇگىن فلەشموب رەتىندە ۇيىمداستىرىلدى. باستى ماقساتى – قوعامدى بىرىكتىرۋ, سالاۋاتتى ءومىر سالتىن ناسيحاتتاۋ, سول سياقتى جاسوسپىرىمدەردىڭ دەنساۋلىعىن ساقتاۋعا باعىتتالعان», دەيدى نۇر-سۇلتان قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى فارابي ەلۋباەۆ.
جيىن بارىسىندا «بەرىك وتباسى ‒ ەسىرتكىدەن الشاق» ۇرانىمەن ءتۇرلى جارىستار وتكىزىلدى. وعان تەمىرجول ۆوكزالىنىڭ قاۋىپسىزدىگىن جانە جۇمىسىن قامتاماسىز ەتۋگە جاۋاپتى كولىكتىك پوليتسيا, پروكۋراتۋرا, جەرگىلىكتى پوليتسيا قىزمەتى قىزمەتكەرلەرىنىڭ وتباسىلارى قاتىستى. سول سياقتى كوللەدجدەر ستۋدەنتتەرىنىڭ ۇيىمداستىرۋىمەن مەرەكەلىك كونتسەرت ءوتتى.
«بۇگىن «ەسىرتكىگە جول جوق» اكتسياسىنا بەلسەنە ارالاستىق. وسى ارقىلى وسكەلەڭ ۇرپاقتى سالاۋاتتى ءومىر سالتىن ساقتاۋعا, سپورتپەن شۇعىلدانۋعا شاقىردىق. ەسىرتكىنىڭ ادام دەنساۋلىعى ءۇشىن زيانىن تۇسىندىردىك», دەيدى №15 قالالىق ەمحانانىڭ دارىگەرى گيۋزەل ەگىنباي.
ايتا كەتەيىك, 26 ماۋسىمدا دۇنيەجۇزى بويىنشا ماڭىزى بار مەرەكە ‒ حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس كۇنى اتاپ وتىلەدى.
