بيزنەس • 23 ماۋسىم، 2022

بيزنەس-ومبۋدسمەنگە ماسەلەلەرىن جەتكىزدى

18 رەت كورسەتىلدى

الماتى قالاسى كاسىپكەرلەر پالاتاسىنىڭ الاڭىندا قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ كاسىپكەرلەردى جەكە قابىلدادى.

قابىلداۋ اشىق فورماتتا ءوتتى. كاسىپكەرلەر بيزنەس-ومبۋدسمەنگە نورماتيۆتىك-قۇقىق­تىق اكتىلەردىڭ ساقتالماۋىنا، ونداعى ولقىلىقتارعا قاتىستى شاعىمداندى.

ايتالىق، «ماسلو-دەل» جشس ديرەكتورى پاۆەل سەليۆانوۆ سەس ورگاندارى­نىڭ ارەكەتىنە شاعىمداندى. كاسىپكەردىڭ ايتۋىنشا، ولار ايىپپۇل سالادى جانە تران­س­يزومەرلەرى بار ماي ونىمدەرىن وندىرىستەن الىپ تاستاۋدى تالاپ ەتەدى. ماسەلەن، مايدا ترانسي­زومەرلەر 2%-دان ارتىق بولسا، سەس ورگاندارى بىردەن شارا قولدانادى. قازاقستان قول قويعان قازاقستان رەسپۋبليكاسى اۋماعىندا رەسەي فەدەراتسياسى جانە بەلارۋس رەسپۋبليكا­سى ستاندارتتارىن ەنگىزۋ تۋرالى بۇيرىقتار شارا قولدانۋعا بىردەن-ءبىر سەبەپ بولىپ تۇر. بۇل ستاندارتتار ونىمدەردەگى تابيعي كومپونەنتتەردى ەسكەر­مەيدى. ونىڭ ۇستىنە ولار (رف مەم­­لەكەتتىك ستاندارتى) رە­سەي­لىك جانە بەلارۋستىق وندىرۋشىلەردىڭ تالاپ­تارى­نا جانە ولاردىڭ وندىرىس­تىك مۇم­كىندىكتەرىنە، جابدىق­تارى­نا ارنالعان. سونىمەن قاتار حالىقارالىق جانە وڭىرلىك ستاندارتتار مەملەكەتارالىق نەمەسە مەملەكەتتىك ستاندارتتار رەتىندە قابىلدانعاننان كەيىن قولدانىلادى. ياعني قازاقستاندا ماي ونىمدەرىندە تابيعي ترانسيزومەرلەردىڭ بولۋىن جانە ونى زەرتحانالاردا زەرتتەۋدى ىرىكتەۋدىڭ باسقا دا ەرەكشەلىكتەرىن ەسكەرەتىن ءوزىنىڭ ۇلتتىق ستاندارتتارىن قابىلداۋ مۇمكىندىگى بولدى جانە بار. بىراق ءالى كۇنگە ەلىمىزدە ۇلتتىق ستاندارتتار بەلگىلەنبەگەن.

«وسىعان قاراماستان، سەس ورگاندارى مەن ولاردىڭ لاۋازىمدى تۇلعالارى حاتتاما جاساپ، كوپ مولشەردە (5 ملن تەڭگە) ايىپپۇل جانە وندىرىسكە تىيىم سالادى. ولاردىڭ ايتۋىنشا، جوعارىدا اتالعان رەسەي فەدەراتسياسىنىڭ مەملەكەتتىك ستاندارتتارى مەن بەلارۋس رەسپۋبليكاسىنىڭ مەملەكەت­تىك ستاندارتتارى تالاپتارىنا سايكەس كەلمەيدى-ءمىس. وسىلايشا، ترانسيزومەرلەردى پايدالانۋعا تىيىم سالا وتىرىپ، پالما مايىن قولدانۋعا يتەرمەلەيدى»، دەپ نارازىلىقتارىن ءبىلدىردى كاسىپكەرلەر.

«قازىر جاۋاپ بەرۋ قيىن. كەلەسى اپتادا سىزدەردىڭ ساراپ­شىلارىڭىزبەن كەزدەسىپ، بۇل ماسەلەنى تولىعىراق تال­قىلايىق. مۇقيات تالداۋ قاجەت. كاسىپكەرلىك جونىندەگى ۋاكىلەتتى ورگانعا كاسىپكەرلىك سۋبەكتىلەرىنىڭ شاعىمدارى بويىنشا قولدانىستاعى رەت­تەگىش قۇرالدار مەن تالاپتاردى جويۋ نەمەسە قايتا قاراۋ بو­يىنشا ۇسىنىستار ەنگىزۋگە قۇقىعىم بار»، دەدى ر.ءجۇرسىنوۆ.

كاسىپكەرلەر جۇگىنگەن تاعى ءبىر ماسەلە نورماتيۆتىك-قۇ­قىقتىق اكتىلەرگە بايلانىس­تى. 2022 جىلعى قاڭتارداعى تار­تىپسىزدىكتەر ناتيجەسىندە شوب سۋبەكتىلەرىنە كەلتى­رىلگەن م ۇلىكتىك زياندى وتەۋ قاعيدالارىنا سايكەس ءىرى بيزنەس سۋبەكتىلەرى زالالدى وتەۋگە ءوتىنىش بەرە المايدى. وسىعان بايلانىستى «Magnum Cash&Carry» جشس ءوزىنىڭ تاۋار جەتكىزۋشىلەرىنە فورس-ماجورلىق جاعدايلارعا بايلانىستى جوعالعان تاۋار ءۇشىن تولەم جۇرگىزبەيتىنى تۋرالى حابارلاما جىبەردى. ال مەملەكەت ەسەبىنەن وتەۋ مۇمكىن ەمەس، سەبەبى كومپانيا ءىرى بيزنەس سۋبەكتىسى بولىپ سانالادى. سايىپ كەلگەندە، شاعىن بيزنەس شىعىنعا ۇشىرايدى. وسىنداي ماسەلەمەن بيزنەس-ومبۋدسمەنگە «LIRUMAX» جشس جۇگىندى.

«ابلي-قۇرىلىس» جشس وكىلى م ۇلىكتى، اتاپ ايتقاندا، Double tree by Hilton Almaty قوناقۇي كەشەنىن رەيدەرلىك باسىپ الۋ تۋرالى ايتتى. الاياق­تىق سحەما بويىنشا م ۇلىك­تى تومەندەتىلگەن باعامەن ساتۋ ارقىلى اسا ءىرى زالال كەلتى­رىل­گەن. جشس وكىلى م ۇلىكتى باسىپ الۋ پروتسەسىنە قاتىساتىن ءبىر كۇندىك كومپانيالاردا اسا ءىرى مولشەردەگى الاياقتىق سحەمالار مەن اقشا قاراجاتىنىڭ اي­نالىمى فاكتىلەرى انىق بول­عان جاعدايدا قۇقىق قورعاۋ ورگان­دارىنىڭ قىلمىستىق ءىس قوزعاۋ جانە سوتقا دەيىنگى تەرگەپ-تەكسەرۋ جۇرگىزۋ بولىگىندەگى ارەكەتسىزدىگىنە شاعىمداندى.

بيزنەس-ومبۋدسمەن كاسىپ­كەرلەردىڭ ماسەلەلەرىن تىڭداپ، بارلىق ماسەلە قارالىپ، باقى­لاۋعا الىناتىنىن حابارلادى.

الماتى قالاسى كاسىپكەر­لەر پالاتاسىنىڭ ديرەكتورى ايتۋار قوشمامبەتوۆ كاسىپكەر­لەرمەن جەكە كەزدەسۋلەردىڭ ماڭىزدىلىعىن اتاپ ءوتتى.

«كاسىپكەرلەرمەن وسىنداي فورماتتا كەزدەسۋ وتە ءتيىمدى. ولار سۇراق قويىپ، ناقتى جاۋاپ الادى. الماتى قالاسىنىڭ كاسىپكەرلەر پالاتاسى اتىنان رۋستام ماناربەك ۇلىنا كاسىپ­كەرلەرمەن سىندارلى ديالوگ قۇرعانى ءۇشىن العىس ايتامىن»، دەدى ا.قوشمامبەتوۆ.

كاسىپكەرلەردىڭ جەكە قابىل­­داۋىنان كەيىن مەملە­كەتتىك ورگاندار مەن بيزنەس سۋبەك­تىلەرى وكىلدەرىنىڭ قاتىسۋى­مەن كەزدەسۋ ءوتتى، وندا وڭىردەگى بيزنەستىڭ وزەكتى ماسەلەلەرى تالقىلاندى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار