سالتاناتتى ءىس-شارا كەزىندە ءىىو ارداگەرلەر كەڭەسىنىڭ توراعاسى ومىرزاق بولسامبەكوۆ ەكسپوزيتسيانىڭ تاريحي مانىنە توقتالىپ, يگى باستامانىڭ جاس بۋىنعا بەرەر تاعىلىمى مول ەكەنىن ايتتى. «ىشكى ىستەر مينيسترلىگىنىڭ, ۇلتتىق ۇلاننىڭ, وسى ەكى سالانىڭ تاريحىن جاس قىزمەتكەرلەرىمىزگە, اسكەرلەرىمىزگە ناسيحاتتاپ, تاريحىن ءبىلسىن دەگەن ماقساتتا جاسالىپ وتىرعان ۇلكەن يگى ءىس-شارا», دەدى ميليتسيا گەنەرال-مايورى.
ءىس-شارا بارىسىندا تاريحتى تانىتۋعا ۇلەس قوسىپ جۇرگەن قارۋلى كۇشتەرى مەملەكەتتىك تاريحي اسكەري مۋزەيدىڭ باسشىسى نۇرتازا اسيلوۆ «ۇلتتىق ۇلانعا 30 جىل» مەرەيتويلىق مەدالىمەن, ىشكى ىستەر مينيسترلىگى مۇراجايىنىڭ قىزمەتكەرى الماگۇل ساتماعامبەتوۆا «ارداگەرلەر قوزعالىسىن دامىتۋعا قوسقان ۇلەسى ءۇشىن» ەستەلىك مەدالىمەن ماراپاتتالدى. مۋزەيدىڭ ءۇشىنشى قاباتىندا ورنالاسقان ەكسپوزيتسياعا 300-گە جۋىق جادىگەر قويىلعان. ولاردىڭ ىشىندە ىشكى ىستەر مينيسترلىگىنىڭ قالىپتاسۋ جولىنداعى قۇندى قۇجاتتار, قىزمەتتە پايدالانىلعان قۇرىلعى, قارۋلار بار. ۇلتتىق ۇلاننىڭ تاريحىنان سىر شەرتەتىن قۇندى دەرەكتەر ساقتالعان.
ەكسپوزيتسيا قازاقستان رەسپۋبليكاسى قارۋلى كۇشتەرىنىڭ اسكەري تاريحي مۋزەيىندە قالادى. وسىلايشا, ەندى ىشكى ىستەر ورگاندارىنىڭ 30 جىلداعى تاريحىن قالا تۇرعىندارى مەن قوناقتارى دا تاماشالاي الادى. ال مينيسترلىك جانىنداعى مۇراجاي قىزمەتكەرلەرى جادىگەرلەر قاتارىن ۇنەمى تولىقتىرىپ وتىراتىن بولادى.
