قازاقستان • 23 ماۋسىم، 2022

باتىر جەرىندە وتكەن سالتاناتتى جيىن

28 رەت كورسەتىلدى

قازاقستان پوليتسياسىنىڭ قۇرىلعانىنا 30 جىل تولۋىنا وراي جامبىلدىق 30 جاس قىزمەتكەر سالتاناتتى تۇردە انت قابىلداپ، قاتارعا قوسىلدى.

سالتاناتتى ءىس-شارا داڭقتى قولباسشى باۋىرجان مومىش ۇلىنىڭ تۋعان جەرى – جۋالى اۋدانىنداعى باتىردىڭ مۋزەيىندە ءوتتى. جيىنعا جەكە قۇرام قىزمەت­كەرلەرى مەن جاس ساربازداردىڭ اتا-انالارى قاتىستى.

الدىمەن قاج دەپارتامەنتىنىڭ جەكە قۇرامى مەن جاس ساربازدارى ساپقا تۇردى. انت قابىلداۋ ءىس-شاراسىنىڭ اشىلۋ سالتاناتى باتىردى ەسكە الۋ ءۇشىن ءبىر مينۋت ۇنسىزدىك جاريالاۋمەن باستالدى. مۇنان سوڭ جامبىل وبلىسى بويىن­­­شا قىلمىستىق-اتقارۋ جۇيەسى دەپارتامەنتىنىڭ باسشىسى نياز رىسپاەۆ جينالعانداردى قازاقستان رەسپۋبليكاسى پوليتسياسىنىڭ
30 جىلدىعىمەن قۇتتىقتادى.

– قاي كەزەڭدە دە قۇقىق قورعاۋ قىزمەتكەر­لەرى – ەلىمىزدىڭ قاۋىپسىز­دىگىنىڭ تىرەگى، تىنىش­تىعىمىزدىڭ سەنىمدى كەپىلى جانە مەملەكەتتىك بەدەلدىڭ ولشەمى. تاۋەلسىزدىك جىلدارىندا ەلىمىزدە كاسىبي پوليتسيا قىزمەتكەرلەرىن قالىپتاستىرۋ ماقسا­تىندا ءتۇرلى رەفورمالار ۇيىم­داس­تىرىلدى. ەلىمىزدىڭ تىنىش­تىعىنا تولىقتاي جاۋاپ بەرەتىن باعدار­لامالار قابىل­داندى. بۇگىندە ءبىزدىڭ ەلدىڭ ءتارتىپ ساق­شىلارى – بارلىق قازاقستاندىقتىڭ قور­عانى. قارۋلى كۇشتەر قاتارىنداعى قىز­مەت ءاربىر ازامات ءۇشىن زور ماقتانىش، – دەدى ول.

ءىس-شارا بارىسىندا دەپارتامەنت باسشىسى ب.مومىش ۇلىنىڭ نە­مەرە ءىنىسى بەكەت مومىنقۇلعا شا­پان جاۋىپ، قۇرمەت كورسەتتى. ءوز كەزە­گىن­دە باتىردىڭ تۋىسى دەپار­تامەنت باسشىلىعىنا العىسىن ءبىلدى­رىپ، باتىردىڭ ونەگەلى ومىرىنە قىزى­عۋشىلىق تانىتقان قاج قىزمەت­كەرلەرىمەن ءجيى كەزدەسۋگە دايىن ەكەنىن جەتكىزدى. بۇدان كەيىن جاس ساربازدار كەزەكپەن ساپتان شىعىپ، وتان الدىندا ادال قىزمەت ەتۋگە سالتاناتتى تۇردە انت ەتتى.

بۇل كۇنى 30 جاس قىزمەتكەر انت قابىلداپ، مەملەكەتتىك ءانۇران ورىندالدى. جيىن سوڭىندا قاتارعا جاڭا قوسىلعان جاس ساقشىلار باۋىرجان مومىش ۇلىنىڭ ەسكەرتكىشىنە گۇل شوقتارىن قويدى.

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار