«مەن ەلىمىزدە شاحماتتى دامىتۋعا باعىتتالعان بىرنەشە ۇسىنىس دايىندادىم. مەنىڭ ويىمشا وسى ۇسىنىستار ەلدە شاحماتتى العا وزدىرىپ, قوردالانعان ماسەلەلەردى شەشۋدىڭ نەگىزگى جولى بولا الادى. قازىر بىزدە جۇيەلى مەملەكەتتىك قولداۋ جوق. مەن ەلىمىزدە شاحمات پەن اقپاراتتىق تەحنولوگيالاردى تەرەڭدەتىپ وقىتاتىن مەكتەپ-ينتەرنات سالۋ كەرەك دەپ ەسەپتەيمىن. بۇل ماسەلە الماتى قالاسىنىڭ اكىمىمەن كەزدەسۋدە دە تالقىلاندى», دەدى شاحماتشى.
ونىڭ ايتۋىنشا, بۇنداي مەكتەپتە ەلدىڭ ءار تۇكپىرىنەن جينالعان بالالار وقي الادى.
ء«بىز ەڭ تالانتتى بالالاردى ىرىكتەپ الامىز. ول جەردە 1500-دەن استام بالا وقيدى. ونىڭ 300-ءى شاحمات پەن ءىت-سالانى تەرەڭدەتىپ وقىتاتىن ينتەرناتتان ءبىلىم الادى. نەگە ءىت-سالانى قوستىق دەگەنگە كەلسەك, ءتۇرلى ەكسپەريمەنتتەر جۇرگىزىلگەن. ءتۇرلى عىلىمي باياندامالار دا بار. شاحماتشىنىڭ ويلاۋ قابىلەتى ءىت-ماماننىڭ ويلاۋىمەن بىردەي. ءبىز 5 سىنىپتان باستاپ ءدال وسىنداي عىلىمي باعدارلاۋ ءتاسىلىن ەنگىزبەكشىمىز. سول ارقىلى سالانى دامىتۋعا بولادى», دەدى جانسايا ابىدمالىك.
ايتا كەتسەك, مەملەكەت باشىسى قاسىم-جومارت توقاەۆ بۇل ۇسىنىستى قۇپتادى.
