سپورت • 22 ماۋسىم، 2022

ءبيبىسارا اساۋباەۆا قشف باسشىلىعىن ايىپتادى

48 رەت كورسەتىلدى

بۇل تۋرالى شاحماتتان قازاقستان قۇراماسىنىڭ مۇشەسى، نايزاعايلى شاحماتتان قازىرگى الەم چەمپيونى ءبيبىسارا اساۋباەۆا الەۋمەتتىك جەلىدە جازدى، دەپ حابارلايدى Egemen.kz.

«بۇگىن ايدا بالاەۆا حانىممەن كەزدەستىم. وسى كەزدەسۋگە ارنايى ۋاقىت بولگەنى ءۇشىن ايدا عالىمقىزىنا العىس ايتامىن.

ءبىزدىڭ دەلەگاتسيانىڭ قۇرامىن قشف پرەزيدەنتى عالىم قۇسايىنوۆ جانە ونىڭ ورىنباسارى دارمەن سادۋاقاسوۆ انىقتادى. سول سەبەپتى بولسا كەرەك، دەلەگاتسيا قۇرامىنا ەر ازاماتتار مەن قۇرامانىڭ باس باپكەرى پ.م.كوتسۋر دا كىرمەدى. تەك ايەلدەر قۇراماسى جانە قۇسايىنوۆ پەن سادۋاقاسوۆ ەندى.

ءبىزدى تانىستىرعان كەزدە قشف جاڭا پرەزيدەنتى مەنى قانداي دا ءبىر سەبەپتەرمەن تانىستىرمادى. اتىم اتالمادى، ءوزىمدى سول جەردە جوق ادامداي سەزىندىم. ەلەنبەگەنىم مەيلى، كومانداداعى باسقا قىزدارعا لايىقتى مىنەزدەمە بەرىپ، ماقتاي كەلە مەنى تۇقىرتقىسى كەلدى.

ايدا عالىمقىزىمەن بۇرىننان تانىس ەدىم جانە مەنىڭ وكپە-رەنىشىمنىڭ سىزگە قاتىسى جوق. كەرىسىنشە، ءسىز بۇل ازاماتتارعا ايەل اداممەن ءوزىن سىپايى، ينتەلەگەنتتى تۇردە ارەكەت ەتۋ كەرەك ەكەنىن ەسكە سالعانىڭىز ءۇشىن ريزامىن.

بۇگىن ەڭ سوڭعى مينۋتقا دەيىن ءبىزدى وليمپيادا ويىندارى ءۇشىن مينيسترمەن كەزدەسۋگە الىپ كەلە جاتقانىمىزعا سەنىمدى بولدىم. سويتسەم دارمەن سادۋاقاسوۆ پەن ونىڭ باسشىسى قازاقستاندىق شاحمات فەدەراتسياسىنىڭ بيۋروكراتتارى ءۇشىن 3 ميلليارد تەڭگە سۇراۋعا الىپ كەلگەن ەكەن.

وسى ۇياتسىز سپەكتاكلدىڭ قاتىسۋشىسى بولعانىم ءۇشىن ۇيالىپ تۇرمىن. بۇگىن باستى دايىندىق بولدى. قشف باسشىلىعى ەرتەڭ ەل پرەزيدەنتى قاسىم-جومارت كەمەل ۇلىمەن كەزدەسۋگە پرەمەرالىق كورسەتىلىمدى دايىنداپ جاتىر.

مەن ءۇشىن بۇل-وتە ۇيات جاعداي. مەن – سپورتشىمىن. سپورتشى بولىپ قالعىم كەلەدى. مەن چەمپيونداردان «قايىرشى» جاساۋعا تىرىساتىن ادامداردىڭ ارەكەتىنەن ۇيالدىم. فەدەراتسيا پرەزيدەنتى مەن ۆيتسە-پرەزيدەنتىن مويىنداۋدان باس تارتامىن. قازاقستان قۇراماسىنىڭ مۇشەسى، شاحماتشى جانە نايزاعايلى شاحماتتان قازىرگى الەم چەمپيونى رەتىندە فەدەراتسياعا 3 ميلليارد تەڭگە قاجەت ەمەس دەپ مالىمدەيمىن»،  دەپ جازدى ول.

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار