فورۋمدا ءسوز سويلەگەن مۇحتار قۇل-مۇحاممەد جيىنعا قاتىسۋشىلارعا ەلىمىز پارلامەنتى سەناتىنىڭ توراعاسى ماۋلەن اشىمباەۆتىڭ قۇتتىقتاۋىن وقىپ بەردى. قۇتتىقتاۋ سوزىندە ءبىزدىڭ حالقىمىز ءۇشىن پاتريوتيزم سەزىمى بارلىق ۋاقىتتا دا قاسيەتتى بولعانى جانە بولىپ قالا بەرەتىنى اتاپ ءوتىلدى. مۇنداي جيىندارعا قاتىسۋ جاستاردىڭ رۋحى مەن مىنەزىن شىڭدايدى, ولار توپتا جۇمىس ىستەۋدى ۇيرەنەدى, لايىقتى دايىندىقتان ءوتىپ, سەنىمدى دوستار تابادى.
بيىلعى ءىس-شاراعا ون جەتى ايماقتان, ارميا گەنەرالى ساعادات نۇرماعامبەتوۆ اتىنداعى قورعانىس مينيسترلىگىنىڭ اسكەري كوللەدجىنەن, سونداي-اق قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ اسكەري بولىمدەرى مەن مەكەمەلەرىنىڭ جانىنان قۇرىلعان كلۋبتاردىڭ جاس تاربيەلەنۋشىلەرى قاتىستى. پارلامەنتشىلەر شاتىرلى قالاشىقتى, «ايبىن – پاتريوتتار مەكەنى» اللەياسىن, قارۋ-جاراق پەن اسكەري تەحنيكا ۇلگىلەرىنىڭ كورمەسىن ارالاپ كوردى.
سەناتورلار كەزدەسۋ بارىسىندا مەملەكەتتىڭ نازارىن اسكەري قىزمەتتىڭ مارتەبەسىن ارتتىرۋ مەن جاستاردى اسكەري بورىشىن ورىنداۋعا ىنتالاندىرۋدىڭ ماڭىزدى ەكەنىن اتاپ ءوتتى.
