قابىلداۋدا بولعان اقمولا وبلىسىنا قاراستى ەگىندىكول اۋىلىنىڭ تۇرعىنى سۆەتلانا گۋربانوۆا سۋمەن جابدىقتاۋ كەزىندە تۋىنداپ وتىرعان ماسەلەلەر تۋرالى ايتتى. «سۋ ماسەلەسى بۇرىننان شەشىلمەي كەلەدى. اۋىلدا ۇڭعىما دا, قۇدىق تا جوق, بار ءۇمىتىمىز تەك نۇرا كانالىندا. مۇنداعى جاعداي قيىن, اۋدان جويىلۋدىڭ از-اق الدىندا تۇر. ادامداردىڭ كوبى بۇل جەردەن كوشىپ كەتپەك, سۋسىز قالاي ءومىر سۇرەدى؟ وسى ماسەلە وتكەن جىلى, ءبىز جاز بويى سۋسىز وتىرعان كەزدە شەگىنە جەتتى. اپتاسىنا 1-2 رەت سۋ الىپ كەلىپ, ءار ۇيگە شامامەن 200-250 ليتردەن بەرەدى. بىراق بارلىعىندا بىردەي سۋدى ۇزاق ۋاقىت ساقتايتىن بوشكە دە جوق», دەدى ول.
بۇل سۇراققا جاۋاپ بەرگەن ەكولوگيا مينيسترلىگى سۋ رەسۋرستارى كوميتەتىنىڭ توراعاسى نۇرلان الدامجاروۆ بيىل جوبالىق-سمەتالىق قۇجاتتاما ازىرلەنەتىنىن, ال نۇرا توپتىق سۋ قۇبىرىن جوندەۋگە 2023 جىلى كىرىسەتىندەرىن جەتكىزدى. ماڭعىستاۋ وبلىسىنىڭ وڭدى اۋىلىنان حابارلاسقان باسشى كوبەنتاەۆ تا ەلدى مەكەندەگى سۋ ماسەلەسىن كوتەردى.
باتىس قازاقستان وبلىسىنا قاراستى پودستەپنوە اۋىلىنىڭ تۇرعىنى بايان تولەۋتاەۆا اۋىل بالالارىنىڭ ءالى كۇنگە دەيىن ءۇش اۋىسىمدا وقۋعا ءماجبۇر ەكەنىن العا تارتىپ, جوبالىق-سمەتالىق قۇجاتتاماسى دايىن جاڭا مەكتەپ قۇرىلىسىن بارىنشا جىلدامداتۋدى سۇرادى. «اۋىلىمىز ورالدان 12 شاقىرىم جەردە ورنالاسقان. حالىق سانى 15 مىڭعا جەتتى. جىل سايىن 1-سىنىپقا باراتىن بالالاردىڭ سانى ارتىپ كەلەدى», دەدى اۋىل تۇرعىنى.
ءوز كەزەگىندە قوستاناي قالاسىنان كەلگەن ايىمگۇل احمەتوۆا دەنساۋلىق ساقتاۋ جۇيەسىندە جۇمىس ىستەيتىن, بىراق مەديتسينالىق قىزمەتكەرلەر قاتارىنا كىرمەيتىن تاربيەشىلەردى پەداگوگتەرگە تەڭەستىرۋ قاجەت دەپ ەسەپتەيدى. بۇل وسى سالاداعى ەڭبەكاقى مولشەرىن ارتتىرۋعا مۇمكىندىك بەرەدى. ال قازاقستاندىق بىرىڭعاي ستوماتولوگتار قاۋىمداستىعىنىڭ پرەزيدەنتى نازىم بەكتۇرعانوۆا بالالار مەن جۇكتى ايەلدەرگە پروفيلاكتيكالىق ستوماتولوگيالىق قىزمەت كورسەتۋ بويىنشا مەملەكەتتىك باعدارلاما ازىرلەۋدى ۇسىندى.
كوكشەتاۋ قالاسىنىڭ تۇرعىنى فاريدا كوشەنوۆا «باقىتتى وتباسى» يپوتەكالىق باعدارلاماسىنا جەتىم بالالار ساناتىن قوسۋدى سۇرادى. بۇعان جاۋاپ رەتىندە قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى تيمۋر قاراعويشين مۇنداي وزگەرىستەر ۇكىمەت قاۋلىسىمەن بەكىتىلگەنىن, جوبا قازىر مەملەكەتتىك ورگانداردا كەلىسۋ ساتىسىندا ەكەنىن اتاپ ءوتتى.
پاۆلودارلىق كاسىپكەر ۆيكتور پرياحين عيماراتتاردى پايدالانۋعا بەرۋ كەزىندە ءجيى تىركەلەتىن كەلەڭسىزدىكتەرگە توقتالدى. «كەز كەلگەن نىساندى پايدالانۋعا بەرۋ كەزىندە الەۋمەتتىك قورعاۋ ورگانى ءجۇرىپ-تۇرۋى شەكتەۋلى ادامدار ءۇشىن ىڭعايلى بولۋىن قامتاماسىز ەتۋ بولىگىنە سايكەس كەلەتىنى تۋرالى دەكلاراتسيانى كەلىسەدى. الايدا بۇل دەكلاراتسيانى كەلىسۋدىڭ ناقتى الگوريتمى مەن مەرزىمى جوق. وسى فۋنكتسيانى مەملەكەتتىك قىزمەتتەر تىزىلىمىنە قوسىپ, ارنايى ستاندارت ازىرلەۋدى سۇرايمىز», دەدى ول. ال الماتىلىق ەكوبەلسەندى سەرگەي سنەگيرەۆ جانۋارلارعا جاۋاپكەرشىلىكپەن قاراۋ تۋرالى زاڭ نورمالارىنىڭ ورىندالۋىنا قوعامدىق باقىلاۋ جۇرگىزۋ جوباسىن ىسكە قوسۋدى ۇسىندى.
پارتيانىڭ اتقارۋشى حاتشىسى قابىلداۋ كەزىندە ايتىلعان ءار ءوتىنىش بويىنشا بىرقاتار ناقتى تاپسىرما بەرىپ, سۇراقتاردىڭ باسىم بولىگىن جەكە باقىلاۋىنا الدى.
«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا, پارتيا بيلىك پەن ازاماتتار اراسىنداعى كوپىر بولۋى ءتيىس. ولار ادىلدىك ىزدەپ, بىزگە كەلەدى. بىردە-ءبىر ءوتىنىش نازاردان تىس قالمايدى», دەپ اتاپ ءوتتى ا.ورالوۆ.
ايتا كەتەيىك, پارتيانىڭ قوعامدىق قابىلداۋ بولمەلەرىنە جىل باسىنان بەرى 65 مىڭنان استام ادام جۇگىنگەن. تۇرعىنداردى نەگىزىنەن الەۋمەتتىك قامسىزداندىرۋ (30%), تۇرعىن ءۇي-كوممۋنالدىق شارۋاشىلىق (16%), تۇرعىن ۇيمەن قامتاماسىز ەتۋ جانە جەر ۋچاسكەلەرىن ءبولۋ (11%) ماسەلەلەرى تولعاندىرادى. مەملەكەتتىك ورگانداردىڭ باسشىلارى مەن ءتۇرلى دەڭگەيدەگى دەپۋتاتتار 13 مىڭنان استام قابىلداۋ وتكىزىپ, 36 مىڭ ادامنىڭ تالاپ-تىلەگى تىڭدالدى. «موبيلدىك قوعامدىق قابىلداۋلار» جوباسى اياسىندا 4 اي ىشىندە پارتيالىقتار ەلىمىز بويىنشا 578 اۋىلدى ارالاپ, 5 مىڭعا جۋىق ازاماتتى قابىلدادى.
