«زەينەتاقى جيناقتارىنىڭ نەگىزگى بولىگى مىندەتتى زەينەتاقى جارنالارى (مزج) ەسەبىنەن 12,4 ترلن تەڭگەنى قۇرادى. مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارى 374,5 ملرد تەڭگە, ەرىكتى زەينەتاقى جارنالارى (ەزج) اياسىندا جيناقتاردىڭ جالپى كولەمى شامامەن 2,6 ملرد تەڭگە بولدى», دەپ مالىمدەدى قوردىڭ ءباسپاسوز قىزمەتى.
اتاپ ايتقاندا, بيىل جارنالار كولەمى كوبەيگەن. 2022 جىلدىڭ بەس ايىندا سالىمشىلاردىڭ شوتتارىنا شامامەن 661,9 ملرد تەڭگە كولەمىندە زەينەتاقى جارنالارى ءتۇستى. بۇل 2021 جىلدىڭ سايكەس كەزەڭىندەگى كورسەتكىشتەن 29% نەمەسە 147,2 ملرد تەڭگەگە كوپ.
«جىل باسىنان بەرى بجزق ءوز سالىمشىلارىنا 947,5 ملرد تەڭگە تولەدى. ونىڭ باسىم بولىگىن تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان بىرجولعى زەينەتاقى تولەمدەرى (بزت) قۇرادى – 840,6 ملرد تەڭگە. سونىمەن قاتار جاسىنا بايلانىستى تولەمدەر 42,4 ملرد تەڭگە, مۇراگەرلىك بويىنشا تولەمدەر 28,6 ملرد تەڭگە بولدى», دەلىنگەن حابارلامادا.
ايتا كەتەيىك, بجزق-دان كەستە بويىنشا اي سايىنعى ورتاشا تولەم (زەينەت جاسىنا تولۋىنا بايلانىستى) 29 360 تەڭگە, ال اي سايىنعى ەڭ جوعارى تولەم 707 326 تەڭگە بولدى.
