ء«بىلىم بەرۋ سالاسىنا قوسىمشا 14,3 ملرد تەڭگە قاراستىرىلىپ وتىر. بۇل قاراجات ناۋرىزباي, تۇركسىب جانە الاتاۋ اۋداندارىندا 7 500 ورىندىق 5 مەكتەپ سالۋعا, سونداي-اق 19 ءبىلىم بەرۋ وبەكتىسىنە (15 مەكتەپ, 4 بالاباقشا) جوبالىق-سمەتالىق قۇجاتتامانى ازىرلەۋگە باعىتتالادى», دەدى ءوڭىر باسشىسى.
سونداي-اق ول مۇعالىمدەرگە عىلىمي دارەجەلەرى, تالىمگەرلىك پەن كەشكى ۋاقىتتا جانە مەكتەپكە دەيىنگى وقىتۋ جۇمىستارى ءۇشىن قوسىمشا اقى تولەنىپ, پەداگوگتەرگە قولداۋ كورسەتىلەتىنىن ايتتى.
مەملەكەتتىك ءبىلىم بەرۋ ۇيىمدارىنىڭ جىلۋ جۇيەسى بويىنشا بەرەشەگىن وتەۋ ءۇشىن قوسىمشا 2 ملرد تەڭگە بولىنەتىنىن اتاپ ءوتتى. ايتا كەتسەك, ەربولات دوساەۆ الماتىنىڭ كوشكىن ءجۇرۋ قاۋپى بار اۋماقتارىندا قۇرىلىس جۇرگىزۋگە تىيىم سالىناتىنىن ءمالىم ەتكەن بولاتىن.
