ءوڭىر باسشىسى شۇعىل ارەكەتتى تالاپ ەتەتىن بىرقاتار ماسەلەلەردى تىزبەكتەپ ءوتتى. ولاردىڭ قاتارىندا كوكجيدە تۇششى سۋ كەن ورنىنىڭ قورلارىن پايدالانۋ بويىنشا تەحنيكالىق-ەكونوميكالىق نەگىزدەمە ازىرلەۋ ماسەلەسى دە بار.
سونداي-اق سۋ رەسۋرستارىنىڭ لاستانۋىن بولدىرماۋ ءۇشىن وزەندەردى باتىپ كەتكەن ۇلكەن زاتتاردان تازارتۋ قاجەت ەكەنى ايتىلدى.
سەرىك شاپكەنوۆ وڭىردەگى وزەندەردىڭ ءتۇبىن تەرەڭدەتۋ جۇمىستارىن تۇراقتى نەگىزدە جۇزەگە اسىراتىن مامانداندىرىلعان كوممۋنالدىق كاسىپورىن قۇرۋ قاجەت دەپ سانايدى. بۇل گيدرولوگيالىق رەجيمدى جاقسارتۋعا جانە اتىراۋ وبلىسى اۋماعىندا سۋ دەڭگەيىن ارتتىرۋعا مۇمكىندىك بەرەدى.
«جايىق جانە قيعاش وزەندەرىندەگى سۋ جىلدان جىلعا ازايىپ كەلەدى. وسىعان بايلانىستى وزەن ساعالارىن تازارتۋ جانە ءتۇبىن تەرەڭدەتۋ ماسەلەسى وزەكتى بولىپ قالا بەرەدى. ولار بولماعان كەزدە بالىقتار تەڭىزدەن وزەنگە وتە الماۋى مۇمكىن. بۇل - ۋىلدىرىق شاشۋ ءۇشىن قولايلى جەرلەرگە وتكىزەتىن ساعالار. بالىق تابيعي تۇردە ۋىلدىرىق شاشادى, تەڭىزدەن وزەندەرگە ءوتىپ, بۇل ساعالاردى اينالىپ وتەدى. وسى پروبلەمانى شەشۋ مەرزىمدەرىن سوزۋ كاسپي تەڭىزىنىڭ بالىق قورىن مولايتۋ مۇمكىندىگىن جوعالتۋعا اكەپ سوعاتىنىن ەسكەرۋ قاجەت», دەدى سەرىك شاپكەنوۆ.
گيدرولوگيالىق رەجيمدى جاقسارتۋ جانە جايىق پەن قيعاش وزەندەرىنىڭ ءوسىمىن مولايتۋ ءۇشىن 2017 جىلدان باستاپ 2021 جىلعا دەيىنگى كەزەڭدە ءتۇبىن تەرەڭدەتۋ جۇمىستارى جۇرگىزىلدى, ولاردىڭ ۇزىندىعى 169 كيلومەتردى قۇرايدى. 2022-2026 جىلدارى جالپى العاندا 295 كم-گە جالپى سوماسى 21,1 ملرد تەڭگەگە قوسىمشا جۇمىس جۇرگىزىلەتىن بولادى.
