33 جاستاعى پاۆلودارلىق تانىمال سايتتارعا زاڭ بويىنشا تەگىن كەڭەس بەرەتىنى تۋرالى حابارلاندىرۋ جاريالاعان. ارام ويىن ىسكە اسىرۋ ءۇشىن م.ءجۇسىپ كوشەسىنىڭ بىرىنەن كەڭسە جالداعان. اتالمىش جارنامانى كورىپ, وبلىس ورتالىعىنىڭ 62 جاستاعى تۇرعىنى قۇقىقتىق كومەككە جۇگىنگەن.
الدىنا كەلگەن ازاماتتىڭ سەنىمىنە كىرۋ ءۇشىن الاياق ەر ادامدى مۇقيات تىڭداپ, ونىمەن 30 مىڭ تەڭگەگە كەلىسىم-شارت جاساسادى. ءارى قاراي, ونىڭ ماسەلەسىن وڭ شەشىپ بەرۋگە ۋادە ەتىپ, جۇمىستى جەدەلدەتۋ ءۇشىن ادۆوكات الۋ كەرەگىن ايتقان. سول ءۇشىن تاعى 30 مىڭ تەڭگە سۇراتقان.
«ادۆوكاتقا بەرەمىن دەگەن سومانى جابىرلەنۋشى تانىستارىنان قارىزعا العان. الايدا ءىس سيىرقۇيمىشاقتانىپ, ءبىر جىلعا سوزىلىپ كەتكەن. اركەز وتىرىك ۋادەمەن تويدىرىپ كەلگەن «زاڭگەردىڭ» جۇمىسىنا كوڭىلى تولماعاسىن ەر ادام قۇقىقتىق قورعاۋشىلاردىڭ كومەگىنە جۇگىنگەن», دەپ جازىلعان پاۆلودار وبلىستىق پد ءباسپاسوز قىزمەتىنىڭ حابارلاماسىندا.
قازىرگى ۋاقىتتا الاياقتىڭ 6 قىلمىسى انىقتالعان. ايىپتالۋشىعا قاتىستى قازاقستان رەسپۋبليكاسى قىلمىستىق كودەكسىنىڭ 190-بابى بويىنشا سوتقا دەيىنگى تەرگەۋ جۇرگىزىلۋدە. كۇدىكتى قاماۋعا الىندى.
