گەوسەرۆيس قوقىستىڭ ورنىن, ءتۇرىن, ۋاقىتىن انىقتاپ, ماماندار ءتيىستى تۇسىنىكتەمە ەنگىزە الادى.
ايتا كەتسەك, وتكەن جىلى اتالعان گەوپورتالدىڭ كومەگىمەن 17 قوقىس ءۇيىندىسى تىركەلگەن, ال وسى جىلدىڭ باسىنان بەرى تۇركسىب جانە مەدەۋ اۋداندارىندا 10 ستيحيالى قوقىس ورنى انىقتالعان.
جەرگىلىكتى اكىمدىكتەر انىقتالعان اۋماقتاردا تازالاۋ جۇمىستارى جۇرگىزىلىپ جاتقانىن حابارلادى. قوقىس ورىندارىن انىقتاۋ ءۇشىن قالا اكىمدىگى ەكولوگيا دەپارتامەنتى, مامانداندىرىلعان تابيعاتتى قورعاۋ پروكۋراتۋراسى, اۋدان اكىمدىكتەرى مەن «مەدەۋ» مەملەكەتتىك وڭىرلىك تابيعي ساياباعى ماماندارىنان جاساقتالعان ارنايى جۇمىس توبىن قۇردى.
جىل باسىنان بەرى جۇمىس توبى 37 ستيحيالى قوقىس ورنىن انىقتاي الدى. ناتيجەسىندە, ونىڭ 32-ءسى جويىلدى, قالعان 5 ورىندا تازالاۋ جۇمىستارى جۇرگىزىلىپ جاتىر.
