2022 جىلعى 16-17 ماۋسىمدا الماتى قالاسىندا «COVID-تەن تىس - ورتالىق ازيانى ادىلدىك نەگىزىندە قالپىنا كەلتىرۋ جولىندا» ورتالىق ازيا ەلدەرىنىڭ تۇراقتى دامۋ سالاسىنداعى ماقساتتارى بويىنشا ەكىنشى وڭىرلىك سامميت وتەدى. ءسامميتتى قازاقستان رەسپۋبليكاسىنىڭ ۇكىمەتى ەۋروپالىق وداق پەن ازيا دامۋ بانكىنىڭ (ادب) قارجىلىق قولداۋىمەن قازاقستانداعى بۇۇ دامۋ باعدارلاماسىمەن (بۇۇدب) ارىپتەستىكتە ۇيىمداستىردى.
وڭىرلىك سامميتكە ءوڭىر ەلدەرى ۇكىمەتتەرىنىڭ ساياسي كوشباسشىلارى, حالىقارالىق ساراپشىلار, حالىقارالىق ۇيىمداردىڭ, ديپلوماتيالىق توپتاردىڭ وكىلدەرى, جەكە سەكتوردىڭ باسشىلارى جانە ورتالىق ازيانىڭ ازاماتتىق قوعامىنىڭ وكىلدەرى قاتىسادى.
ءسامميتتىڭ تاقىرىپتىق سەسسيالارى ورتالىق ازياداعى وڭىرلىك دامۋ سىن-قاتەرلەرىن جانە «جاسىل» ەكونوميكا مەن كليماتتىق كۇن تارتىبىنە نازار اۋدارا وتىرىپ, پاندەميادان كەيىنگى قالپىنا كەلتىرۋ ستراتەگيالارىن تالقىلاۋ ءۇشىن كوممۋنيكاتسيالىق پلاتفورمالاردى ۇسىنادى. قالا اكىمدەرىنىڭ دوڭگەلەك ۇستەلى شەڭبەرىندە قاتىسۋشىلار ورتالىق ازياداعى ءىرى جانە شاعىن قالالاردى دامىتۋ ءۇشىن جەرگىلىكتى شەشىمدەردى جانە تدم (تۇراقتى دامۋ ماقساتتارى) وقشاۋلاۋ ارقىلى ولاردىڭ تۇراقتى دامۋعا كوشۋىن تالقىلايدى.
جەكەلەگەن سەسسيالار سونداي-اق مەملەكەتتىك قىزمەتتەردى تسيفرلاندىرۋ, تۇراقتى دامۋ ءۇشىن ايەلدەر مەن جاستاردىڭ قۇقىقتارى مەن مۇمكىندىكتەرىن كەڭەيتۋ, تدم-گە قول جەتكىزۋدى جەدەلدەتۋ ءۇشىن تدم قارجىلاندىرۋدىڭ سينەرگياسىن قامتاماسىز ەتۋ جانە ارىپتەستىك ماسەلەلەرىنە ارنالادى.
