ەلەكتروندى ساۋدانىڭ دامۋى قارقىندى

جاقىندا PwC Kazakhstan كومپانياسى مەن تسيفرلى قازاقستان قاۋىم­داستىعى بىرلەسىپ, ارنايى زەرتتەۋ جاريا ەتتى. وعان بىرقاتار وتاندىق جانە حالىق­ارالىق كومپانيا قاتىسقان.

«2021 جىلى تۇتىنۋشىلار راتسيونالدى بولا ءتۇستى. ولار از اقشا جۇمساپ, كوپ جيناۋعا كوشتى. قازىر ءبارى ۇيدە وتىرىپ جۇمىس ىستەۋگە, ۇيدە وتىرىپ تاۋار ساتىپ الۋعا ابدەن ماشىقتاندى. سولاي ىستەۋ وڭاي, ارزان ءارى قولايلى. نارىقتاعى ويىنشىلاردىڭ بەلسەندى دامي باستاۋى, تۇتىنۋشىلاردىڭ دا ونلاين ساتىپ الۋعا دايىن بولا تۇسكەنى, ەلەكتروندى كوممەرتسيا نارىعىنا مەملەكەتتىڭ دە نازار اۋدارىپ, قولداۋ كورسەتۋى – سالاداعى باسەكەلەستىككە دەم بەردى جانە شەتەلدىك ويىنشىلاردى قازاقستانعا قاراي تارتىپ جاتىر. وسى فاكتورلاردىڭ بارلىعى جيىلا كەلە ەكونوميكاعا جانە ەلدىڭ ينۆەستيتسيالىق الەۋەتىنە وڭ اسەر ەتەدى», دەيدى ەۋرازيا وڭىرىندەگى كون­سۋلتاتسيالىق پراكتيكا ليدەرى ناتاليا ليم.

2021 جىلى ورتاشا توقساندىق ساتىلىم كولەمىنىڭ ءوسىمى 20 پايىزدى قۇراعان. جاسالعان ترانزاكتسيالار سانى 37 ملن بىرلىككە جەتتى. بۇل 2020 جىلمەن سالىستىرعاندا 45 پايىزعا جوعارى. ورتاشا چەك سوماسى – 28 مىڭ تەڭگە. بۇل دا ال­دىڭعى جىلداعىدان 20 پايىزعا كوپ.

Kaspi كومپانياسىنىڭ حابارلاۋىنشا, قازاقستاندا شاعىن بيزنەس وكىلدەرى ساتىلىمدى ماركەتپلەيستەر ارقىلى جۇزەگە اسىرۋعا ەرەكشە ىنتالى بولىپ تۇر.

«بۇل ولارعا ساۋداسىن دوڭگەلەتۋدىڭ تاماشا قۇرالى. Kaspi.kz-تەگى ساتۋشىلار سانى ءبىر جىلدا 5 ەسە كوبەيدى. تۇتىنۋ­شىلار كوبىنە كۇندەلىكتى تىرشىلىككە قاجەتتى تاۋارلاردى كوپتەپ ساتىپ الا باستادى, بۇل – تاماق ونىمدەرى, شارۋا­شىلىق تاۋارلارى. مۇنداي ونىمدەرگە دەگەن سۇرانىس جىلدامدىقتى جانە جەت­كىزۋگە دەگەن قولايلىلىقتى تالاپ ەتەدى. بيىل ءبىز 3 ساعات ىشىندە اپارىلاتىن ەكسپرەسس جەتكىزۋدى جانە تاۋاردى كەز كە­لگەن ۋاقىتتا الىپ كەتۋگە ىڭعايلى Kaspi Postomat قۇرىلعىلار جەلىسىن ىسكە قوستىق», دەيدى.

Halyk Market وكىلدەرى قازاقستان ەلەكتروندى كوممەرتسيانىڭ دامۋىنا جاعداي جاساي الىپ وتىر دەپ ەسەپ­تەيدى. ولاردىڭ ايتۋىنشا, ينتەرنەت قولجەتىمدىلىگى جانە يدەنتيفيكاتسيا پروتسەستەرىنىڭ تسيفرلانۋى بارلىق قاتى­سۋشىنىڭ قاۋىپسىزدىگىن قامتاماسىز ەتىپ, قولايلى ينۆەستيتسيالىق كليمات قالىپتاستىرىپ وتىر.

ساراپشىلاردىڭ ايتۋىنشا, ەلەك­ترون­دى كوممەرتسيانىڭ قازىرگى دەڭ­گەيگە جەتۋىنە پاندەميا ەرەكشە اسەر ەتتى. حالىق تالابىنا ساي بولۋ ءۇشىن ماركەتپلەيستەردىڭ ءموبيلدى قوسىم­شالار مەن ونلاين-دۇكەندەر ۇزدىكسىز دامۋدى جالعاستىرۋدا. ولار بۇرىنعىدان دا ىڭعايلى بولا ءتۇستى جانە تاۋارلار ساناتىن كوبەيتتى.

قازاقستاندا جۇمىس ىستەي باستاعان Ozon Marketplace الاڭىنداعى ونلاين تاپسىرىس بەرۋ سانى ارتىپ كەلەدى. ءوسىم ديناميكاسى وتە جوعارى. مىسالى, 2022 جىلدىڭ قاڭتارىندا ءبىزدىڭ الاڭقاي­دا­عى ەلەكترونيكا ساتىلىمىنىڭ كولەمى 2021 جىلدىڭ قاڭتارىمەن سالىستىرعاندا
5 ەسە ارتتى. كيىم – 7 ەسە, شارۋاشىلىق تاۋارلارىنىڭ ساتىلۋى 8 ەسە ءوستى. مۇن­داي ءوسىمدى بايقاعان كوپتەگەن شە­تەلدىك ماركەتپلەيس قازاقستان نا­رى­­عىنا كەلە باستادى. 2021 جىل قور­تىن­­دىسى بويىنشا جالپى بولشەك ساۋ­دا­­داعى e-commerce ۇلەسى 11 پايىزدى قۇرادى. وزگە ەلدەردە, مىسالى قىتاي, ۇلىبريتانيادا ونلاين-ساۋدانىڭ ۇلەسى 30 پايىزعا جەتەدى, كەيدە ءتىپتى ودان دا كوپ. قازاقستانداعى نارىق ءالى دامۋ كەزەڭىندە تۇر, قازىر ءوز سالاڭىزدى تابۋ ءۇشىن تاماشا ۋاقىت.

ساراپشىلار قازاقستان نارىعىنىڭ پەرسپەكتيۆاسى جوعارى دەپ باعالايدى. ەلەكتروندى كوممەرتسيادا قولما-قول اقشاسىز ەسەپ ايىرىسۋ اينالىمى جىل سايىن ءوسىپ كەلەدى. سوندىقتان جاڭا الاڭداردىڭ پايدا بولۋى, ونلاين-ار­نالارداعى شاعىن بيزنەستىڭ ءوسۋى جانە ارتىپ كەلە جاتقان سۇرانىستى قا­ناعات­تاندىرۋعا ۇمتىلاتىن لوگيس­­تيكالىق كومپانيالاردىڭ كوبەيۋى – زاڭ­دى قۇبىلىس.

«بيىل ءبىز قازاقستانداعى ءىرى تەحنو­لوگيالىق-لوگيستيكالىق پلاتفورما Kaspi Smart Logistics-ءتى دامىتۋدى جالعاستىردىق. پلاتفورمامىزعا قازىردىڭ وزىندە 30-دان استام لوگيستيكالىق كومپانيا قوسىلىپ ۇلگەردى. لوگيستيكالىق جەلى قازاقستاننىڭ بارلىق قالاسىن قامتيدى جانە 6 مىڭ باعىت بويىنشا قىزمەت كورسەتۋگە دايىن. وسى جولى Kaspi Pay قوسىمشاسى بازاسىندا ءبىرىنشى كەزەكتە شاعىن بيزنەس وكىلدەرى ءۇشىن سەرۆيستى ودان ءارى جاقسارتا تۇسسەك دەيمىز», دەيدى Kaspi.kz.

ال Halyk Market بيىل الىس اۋدان­دارعا تاۋار جەتكىزۋدى, تاپسىرىس بەرۋ بەكەتتەرىن اشۋدى جانە قالا تۇرعىندارى اراسىندا e-commerce تانىمالدىلىعىن ارتتىرۋدى قولعا الماق.