مامىر ايىنداعى دەمالىس كۇندەرىنە وزگەرىستەر ەنگىزىلدى

استانا. 23 ءساۋىر. ۇكىمەت باسشىسى كارىم ءماسىموۆ وتكەن اپتادا «دەمالىس كۇندەرىن اۋىستىرۋ تۋرالى» قاۋلىعا قول قويدى. بۇل تۋرالى Government.kz حابارلادى. تاعى ءبىر ەستەرىڭىزگە سالار بولساق, ۇكىمەت قاۋلىسى بويىنشا, جۇمىسشىلارعا ىڭعايلى جاعدايلار تۋعىزۋ ماقساتىندا جانە جۇمىس ۋاقىتىن ءتيىمدى پايدالانۋ ءۇشىن دەمالىس كۇندەرى – 2014 جىلعى جەكسەنبى, 4 مامىردان - جۇما, 2 مامىرعا, ال سونداي-اق, 2014 جىلعى جەكسەنبى, 11 مامىردان - بەيسەنبى,  8 مامىرعا اۋىستىرىلدى. سونىمەن قازاقستاندىقتار 1-3 مامىر ارالىعىندا جانە 7-10 مامىر ارالىعىندا دەمالادى. الايدا, قاۋلىعا سايكەس, كۇندەلىكتى ءوندىرىستى قارجىلىق, ماتەريالدىق ونىمدەرمەن قامتاماسىز ەتەتىن كەيبىر ۇجىمدار جانە باسقا دا قىزمەت كورسەتۋ سالالارى كاسىپوداق مەكەمەلەرىنىڭ كەلىسىمىمەن 2014 جىلدىڭ 2-8 مامىر ارالىعىندا جۇمىس ىستەۋ قۇقىعىنا يە. وسىلايشا مامىر ايىنىڭ العاشقى بولىگىندە قازاقستاندىقتار ءۇش بىردەي مەرەكەنى تويلايدى. ولار: 1 مامىر – قازاقستان حالىقتارى بىرلىگى كۇنى, 7 مامىر – وتان قورعاۋشىلار كۇنى, 9 مامىر –جەڭىس مەرەكەسى. جولدىباي بازار. دەرەككوز: Government.kz. فوتو: mgorod.kz