وتباسىلار جارىسى

تالدىقورعان قالاسىنداعى  “وركەن” سپورت كەشەنىندە “بىرلىگىمىز جاراسقان!” اكتسياسى جانە قا­زاقستان رەسپۋبليكاسى پرەزي­دەنتىنىڭ جۇلدەسى جولىن­دا ءوتىپ جاتقان ءىV حالىق سپورتى ويىن­دارىنىڭ اياسىندا “اكەم, شەشەم جانە ءبىز – سپورت­شى­لار وتباسىمىز” اتتى سپورتشى وتباسىلار اراسىن­داعى وبلىس­تىق جارىس بولىپ ءوتتى. جىل سايىن وتكىزىلىپ, جۇرت اراسىندا ۇلكەن قولداۋعا يە بولىپ وتىر­عان شاراپاتتى ءارى شاتتىقتى شاراعا الماتى وبلىسىنىڭ بار­لىق اۋداندارى مەن قالا­لا­رىندا وتكەن وسى تەكتەس سايىس­تاردا كوزگە ءتۇسىپ, جەڭىمپاز اتان­عان  14 كوماندا قۇرا­مىن­داعى  42 ادام قا­تىستى. ولار جا­رىس باعدارلا­ماسىنا ساي بيدەن, جەڭىل اتلەتيكالىق ەستافەتادان جانە ارقان تارتۋدان ءوزارا كۇش سىناستى. ەلباسىنىڭ جولداۋىندا اتاپ كورسەتىلگەندەي, بۇقارالىق سپورت­تى دامىتۋ, وتباسى بىرلىگىن نى­عاي­تۋ جانە حالىق اراسىندا سالا­ماتتى ءومىر سالتىن ناسيحاتتاي وتىرىپ, دەنى ساۋ ءبىلىمدى ۇرپاق تاربيەلەۋ ماقسا­تىندا وتكىزىلىپ وتىرعان  اكتسيا­نىڭ باستى ۇيىم­داس­تىرۋشىلارى – الماتى وبلى­سىنىڭ تۋريزم, دەنە تاربيەسى جانە سپورت باس­قارماسى مەن  قا­زاقستاننىڭ ازا­ماتتىق اليانسى. شارانىڭ كوپ­شىلىك اراسىندا كەڭىنەن قولداۋ تابۋى ءوز كەزەگىندە  كۇنى ەرتەڭ مەملەكەتتىڭ مارتە­بە­سىن وسىرەتىن ءبىلىمدى دە بىلىكتى, دەنساۋلىعى مىقتى ءارى جىگەرلى جاستاردىڭ كوپتەپ شىعۋىنا وڭ اسەرىن تيگىزەتىنى انىق. سپورتشى وتباسىلار اراسىن­داعى وبلىستىق جارىستىڭ اشىلۋ سالتاناتىندا ءبىرىنشى بولىپ ءسوز العان وبلىستىق تۋريزم, دەنە ءتار­بيەسى  جانە سپورت باسقارما­سىنىڭ باستىعى تۇراتبەك شارا­پيەۆ بيىلعىسىمەن  ءتورتىنشى رەت ءوت­كىزى­لىپ وتىرعان قازاقستان رەسپۋبلي­كاسى پرەزيدەنتىنىڭ جۇلدەسى جو­لىنداعى حالىق سپور­تى ويىندارى­نىڭ ۇلتىمىزدىڭ بولاشاعى ءۇشىن اسا ۇلكەن ءمانى مەن ماعىناسى بار­لىعىن ەرەكشە اتاپ ءوتتى. سونىمەن بىرگە, جەل­كىلدەپ ءوسىپ كەلە جاتقان  جاس ۇرپاققا بەرەتىن  تاربيەلىك اسەرى دە مول شارا ەكەنىن ايتا كەلە, جا­رىسقا قاتىسۋشى سپورتشى وتباسىلار  كوماندالارىنىڭ بارلىعىنا ساتتىلىك تىلەدى. جارىس شىمىلدىعى جاس بي­شىلەردىڭ اسەمدىك پەن يكەمدىلىكتى پاش ەتكەن ونەرىمەن اشىلىپ, جارىسقا شىعار كەزدى اسىعا كۇتىپ تۇرعان  سپورتشى وتباسىلار مەن ولاردىڭ  جانكۇيەرلەرىنىڭ كوڭىلدەرىن ءبىر كوتەرىپ تاستادى. كوپ ۇزاماي جارىس تا باستالدى. سپورشى وتباسىلار وبلىستىق باسەكەگە بارىنشا دايىندال­عاندارىن بايقاتتى. سوندىقتان جارىس تۇرلەرىنىڭ بارلىعىنداعى ءوزارا سايىس تىم تار­تىستى­لى­عىمەن ەستە قالدى.  جان­كۇيەرلەر جە­تىسۋ جەرىندە سپورتتى سەرىك ەتكەن وتباسىلار­دىڭ  قاتارى ارتا تۇسكەنىن جانە ولاردىڭ شەبەر­لىك­تەرىنىڭ جىل سايىن ارتا باس­تا­عانىن ءوز كوزدەرىمەن كوردى. جا­رىستىڭ قورىتىندىسىنا كە­لەر بولساق, ءبىرىنشى ورىندى  بۇ­عان دەيىن دە وسىنداي سايىستاردا تالدى­قورعان قالاسىنىڭ نامى­سىن قورعاپ,  وبلىستىڭ ەكى مارتە چەم­پيونى اتانعان ۋرمانوۆتار وتباسى ەش تالاسسىز جەڭىپ الدى. بۇل كوماندانىڭ كاپيتانى ماحمۋد ۋرمانوۆ كوگالداعى حوككەيدەن سپورت شەبەرى بولسا, ايەلى ولگا دا وسى سپورت سالا­سىندا ءبىراز بيىكتەردى باعىن­دىرعان. ەكىنشى ورىندى  اقسۋ اۋدانىنان كەلگەن باۋىرجان وتباسىلىق كومانداسى يەلەنسە, ءۇشىنشى ورىن تالعار اۋدانىنىڭ اتىنان سىنعا تۇسكەن تۇرسىن وتباسىلىق كومانداسىنىڭ ەنشى­سىنە بۇيىردى. وبلىستىق باسەكەدەن وزىپ شىققان كوماندا  ورال قالاسىن­دا وتەتىن رەسپۋبليكالىق جارىس­تا الماتى وبلىسىنىڭ نامىسىن قورعايدى. كۇمىسجان بايجان, الماتى وبلىسى.