فوتو: adyrna.kz
پروفەسسوردىڭ ايتۋىنشا, جاڭا اتا زاڭنىڭ قازاقشا ءماتىنى تىلگە جەڭىل, قۇرىلىمى جاتىق تەرميندەر جۇيەلەنىپ, قازاق ءتىلى زاڭدىلىعىنا ساي جازىلعان.
«كوميسسيانىڭ العاشقى وتىرىسىندا كوتەرىلگەن تەرميندەردىڭ بىرىزدىلىگى ماسەلەسىنىڭ ەسكەرىلگەنىن اتاپ وتكىم كەلەدى. مىسالى, زاڭگەرلەر قولدانىستاعى كونستيتۋتسيادا «قۇقىلى», «حاقىلى», «قۇقىعى بار», «قۇقىعى جوق», «حاقىسى بار» سياقتى تەرميندەر ءارتۇرلى كونتەكستە قولدانىلاتىنىن ءجيى سىنعا الاتىن. جاڭا ماتىندە وسى تەرميندەر ماعىناسىنا قاراي جۇيەلەنىپ, بىرىزگە تۇسكەن. سونداي-اق تەرمينولوگيا ماسەلەسىندە قازاق تىلىندەگى زاڭدىلىقتار پەن ەرەكشەلىكتەر ەسكەرىلگەن», دەيدى ول.
ەلۆيرا ءازىموۆا: كوميسسيا حاتشىلىعىنا 4 مىڭنان استام ۇسىنىس كەلگەن
سونداي-اق قازگزۋ اق باسقارما توراعاسى اتا زاڭنىڭ جاڭا ءماتىنىن ارىپتەستەرىمەن بىرگە وقىپ شىققانىن, سونىڭ ىشىندە كالكا قۇرىلىمدار جۇيەلەنىپ, جاتىق جازىلعانىن جەتكىزدى.
«بۇرىنعى رەداكتسيادا ءجيى كەزدەسەتىن «بولىپ تابىلادى», «جۇزەگە اسىرادى» سياقتى كالكالىق قۇرىلىمدار جاڭا ماتىندە جوقتىڭ قاسى. قولدانىلعان تۇستاردىڭ وزىندە دە ولار ورىندى ءارى تىلدىك جاعىنان ۇيلەسىمدى بەرىلگەن», دەدى تالعات نارىكباەۆ.
ەستەرىڭىزگە سالايىق, 31 قاڭتاردا كونستيتۋتسيالىق رەفورمالار جونىندەگى كوميسسيا جاڭا اتا زاڭنىڭ جوباسىن جاريالادى.
