فوتو: اۋىل پارتياسىنىڭ ءباسپاسوز قىزمەتى
باسقوسۋ «اۋىل» پارتياسىنىڭ ورتالىق اپپاراتىندا ءوتتى. جيىندا مەملەكەت باسشىسى قاسىم-جومارت توقاەۆ جاريالاعان ساياسي جاڭعىرۋلاردىڭ ءتۇيىندى كەزەڭى سانالاتىن جاڭا كونستيتۋتسيا جوباسى كەڭىنەن تالقىلاندى. ديالوگ الاڭى جاستاردىڭ كوزقاراسىن ايقىنداپ قانا قويماي, رەفورمالاردىڭ مازمۇنىنا قاتىستى ناقتى ۇستانىم قالىپتاستىرۋعا مۇمكىندىك بەردى.
جالپىۇلتتىق سوتسيال-دەموكراتيالىق پارتيا اتا زاڭداعى وزگەرىستەردى وڭىرلەردە تۇسىندىرەدى
جاڭا قۇجاتتىڭ يدەولوگيالىق وزەگى
جيىندى اشقان «اۋىل» پارتياسى ورتالىق اپپارات باسشىسىنىڭ ورىنباسارى نۇرحات وراش كونستيتۋتسيا جوباسىنىڭ يدەولوگيالىق سالماعىنا توقتالدى. ونىڭ ايتۋىنشا, جاڭا اتا زاڭ «زاڭ مەن ءتارتىپ», «ادال ازامات», «تازا قازاقستان» قاعيداتتارىن قۇقىقتىق دەڭگەيدە ورنىقتىرادى.
«بۇل قۇجات – جاي عانا قۇقىقتىق ەرەجەلەر جيناعى ەمەس, بۇل – «ادىلەتتى قازاقستاننىڭ» جاڭا فيلوسوفياسى. جاڭا كونستيتۋتسيادا ۆيتسە-پرەزيدەنت ينستيتۋتىن ەنگىزۋ جانە قۇرىلتايدىڭ جاڭا ارحيتەكتۋراسىن قالىپتاستىرۋ – بيلىك ساباقتاستىعى مەن ۇلتتىق باسقارۋ ءداستۇرىنىڭ زاماناۋي ۇيلەسىمى», دەدى ن.وراش.
جاستار دەموكراتيالىق باعىتتى تاڭدادى
ديالوگ الاڭىندا ەۋرازيا ۇلتتىق ۋنيۆەرسيتەتى, قورقىت اتا اتىنداعى قىزىلوردا ۋنيۆەرسيتەتى جانە قازاق ۇلتتىق سپورت ۋنيۆەرسيتەتىنىڭ ستۋدەنتتىك كوشباسشىلارى ءسوز الىپ, رەفورمالارعا قاتىستى پىكىرلەرىن ءبىلدىردى. ولاردىڭ ايتۋىنشا, جاڭا كونستيتۋتسيا ادام كاپيتالىنا, ءبىلىم مەن يننوۆاتسياعا باسىمدىق بەرىپ, جاس بۋىن ءۇشىن جاڭا الەۋمەتتىك ليفتىلەر مەن قۇقىقتىق كەپىلدىكتەر اشادى.
ستۋدەنتتىك ۇيىمدار وكىلدەرى بۇل وزگەرىستەردى ەلدىڭ دەموكراتيالىق باعىتىن ايقىندايتىن, ازاماتتىق قوعامدى نىعايتاتىن تاريحي قادام رەتىندە باعالادى.
قحپ ايماقتاردا جاڭا كونستيتۋتسيا جوباسىن تالقىلاۋدى جانداندىردى
جيىن بارىسىندا ساراپشىلار مەن ساياساتتانۋشىلار د. پىرىمبەتوۆ پەن ە. ەلەمەس ءبىر پالاتالى پارلامەنت پەن پارتيالىق جۇيەنىڭ جاندانۋى ساياسي مادەنيەتتى جاڭا دەڭگەيگە كوتەرەتىنىن اتاپ ءوتتى. سونداي-اق اتا زاڭعا وزگەرىستەر ەنگىزۋدىڭ تەك بۇكىلحالىقتىق رەفەرەندۋم ارقىلى جۇزەگە اسۋى مەملەكەتتىك تۇراقتىلىقتىڭ باستى كەپىلى ەكەنى ايتىلدى.
كەزدەسۋ سوڭىندا قاتىسۋشىلار جاڭا كونستيتۋتسيا وتكەندى تارازىلاپ, بولاشاققا نىق قادام جاساۋعا جول اشاتىن ستراتەگيالىق تاڭداۋ دەگەن ورتاق تۇجىرىمعا كەلدى.
«اق جول» دەموكراتيالىق پارتياسى ۇلتتىق كەڭەسىنىڭ پلەنۋمى جاڭا كونستيتۋتسيا جوباسىن قولدادى
