ەلىمىزدە جاستار اراسىندا ناشاقورلىق, الكوگوليزم, لۋدومانيا, بۋللينگ سياقتى زياندى ارەكەتتەر ءالى تىيىلماي تۇر. وسىنىڭ ءوزى مەكتەپتەر مەن كوللەدجدەردە وسى ماسەلەگە جاۋاپتى ماماندارمەن كەزدەسۋ جاساپ, كەڭەس بەرۋ جۇمىسىن كۇشەيتۋدى قاجەت ەتەدى. وسى ورايدا جاستار اراسىندا قۇقىقبۇزۋشىلىقتىڭ الدىن الۋ, قۇقىقتىق مادەنيەتتى قالىپتاستىرۋ جانە تاربيە جۇمىسى اسا ماڭىزدى.
جەزقازعان قالاسى پروكۋراتۋراسىنىڭ اعا پروكۋرورى حادجىمۇرات سەرىكباي جانە جەزقازعان قالاسى پوليتسيا ءبولىمى قىلمىستىق-قۇقىق بۇزۋشىلىقتاردىڭ الدىن الۋ توبىنىڭ ينسپەكتورى, پوليتسيا كاپيتانى ازات ەسەنعابۇلوۆ جاستارعا وزەكتى ماسەلە قوزعاپ, ونىڭ زاردابىن ءتۇسىندىردى. ادام ومىرىنە زياندى ارەكەتتەردەن اۋلاق بولۋعا ۇندەدى.
كەزدەسۋگە قاتىسقان ءبىلىم الۋشىلار دا سالماقتى سۇراق قويىپ, بەلسەندىلىك تانىتتى.
