«كاسىپكەرلىكتى دامىتۋ ۇلتتىق جوباسى شەڭبەرىندە بيىل بيۋدجەتتەن 8 ملرد تەڭگە ءبولىندى. بۇل وتكەن جىلمەن سالىستىرعاندا 23 پايىز كوپ. ونىڭ ىشىندە نەسيەنىڭ پايىزدىق مولشەرلەمەسىن سۋبسيديالاۋعا 6 ملرد تەڭگە, نەسيەنى كەپىلدەندىرۋگە 1,9 ملرد تەڭگە, مەملەكەتتىك گرانتتار ۇسىنۋعا 106 ملن تەڭگە بەرىلدى. بۇگىنگى كۇنى 76 كاسىپكەردىڭ جوباسى قارجىلاندىرىلدى», دەدى وبلىستىق كاسىپكەرلىك جانە تۋريزم باسقارماسى باسشىسىنىڭ مىندەتىن اتقارۋشى نۇربول جاڭابەكوۆ.
ونىڭ ايتۋىنشا, ودان بولەك, اۋىل كاسىپكەرلەرىن قولداۋ ماقساتىندا وڭىرلىك باعدارلاما ىسكە اسىرىلدى. بۇعان جەرگىلىكتى بيۋدجەتتەن 2013-2022 جىلدارعا 3 ملرد 357 ملن تەڭگە ءبولىندى. ناتيجەسىندە 531 جوبا قارجىلاندىرىلىپ, 718 جاڭا جۇمىس ورنى قۇرىلدى. بۇل باعىتتا وسى جىلى جەرگىلىكتى بيۋدجەتتەن 500 ملن تەڭگە ءبولىندى.
سونداي-اق «جۇمىسپەن قامتۋ جول كارتاسى» باعدارلاماسى شەڭبەرىندە وتكەن جىلى ۇلتتىق قوردان 1 ملرد تەڭگە ءبولىنىپ, بۇگىنگى كۇنگە نەسيە سوماسى 510 ملن تەڭگەنى قۇرايتىن 40 كاسىپكەردىڭ جوباسى قارجىلاندىرىلعان. الداعى ۋاقىتتا ولارمەن 46 جاڭا جۇمىس ورنىن قۇرۋ جوسپارلانۋدا.
ايتا كەتەيىك, وڭىردە 60795 شاعىن جانە ورتا كاسىپكەرلىك سۋبەكتىلەرى تىركەلگەن.
ايانا توعانبەك
