الماتىدا بالمۇزداق شىعاراتىن زاۋىتتىڭ بەس جۇمىسشىسى اممياكتان ۋلانعان. الدىن الا قورىتىندى بويىنشا, مۇزداتقىش باللوننىڭ ارتقى جاعىنداعى رەزەڭكە تىعىزداعىشتىڭ زاۋىتتىق اقاۋى سالدارىنان 500 گرامم زياندى زات اعىپ كەتكەن. اۋىسىم كەزىندە وندىرىلگەن ونىمدەر ساتىلىمنان الىندى.
ۋلانعان قىزمەتكەرلەر دەرەۋ اۋرۋحاناعا جەتكىزىلگەن. دارىگەرلەر 26, 46 جانە 38 جاستاعى ءۇش ناۋقاستىڭ ءحالىن اۋىر دەپ باعالاپ وتىر. ولار جانساقتاۋ بولىمىندە جاتىر.
«ناۋقاستىڭ بىرەۋى جاعدايى تۇراقتى بولۋىنا بايلانىستى ستاتسيونارلىق ەمنەن باس تارتتى. قازىر ءۇش ناۋقاس جانساقتاۋ بولىمىندە ەم الىپ جاتىر. جاعدايلارى تۇراقتى اۋىر», دەدى الماتى قالاسى جەدەل كومەك كورسەتۋ اۋرۋحاناسىنىڭ ءبولىم مەڭگەرۋشىسى باۋىرجان وماروۆ.
