جۇرگىزۋشى كۋالىگىن الەۋمەتتىك جەلىدە ساتاتىندار كوبەيگەن

وسىعان وراي «ازاماتتار­عا ارنال­عان ۇكىمەت» مەملەكەت­تىك كورپوراتسياسى الەۋمەت­تىك جەلىلەردە جۇرگىزۋشى كۋالى­گىن ۇسىناتىن الاياقتاردىڭ جيى­لەپ كەتكەنىن ەسكەرتىپ, الاياق­تاردىڭ قۇرى­عىنا ءتۇسىپ قالۋ­دان ساق بولۋعا شاقىرادى. تاياۋدا عانا مەملەكەتتىك كورپوراتسيا حالىق كوپ پايدالاناتىن جەلىلەردە ازاماتتارعا جۇرگىزۋشى كۋالىگىن اقشاعا ساتىپ الۋدى ۇسىناتىن 30-عا جۋىق جازبا مەن حابارلامانى انىقتاعان. الاياقتار قاراپايىم سحەما بويىنشا ارەكەت ەتەدى – كليەنت ولار­عا قوڭىراۋ شالعان كەزدە ولار دايىن جۇرگىزۋشى كۋالىگى ءۇشىن 50-60 مىڭ تەڭگە كولەمىندە اقشا سۇرايدى جانە قۇجاتتى ءبىر اي ىشىندە بەرۋگە ۋادە بە­رەدى. اقشانى العاننان كە­يىن الگىلەر الەۋمەتتىك جەلى­دەگى بۇكىل بايلانىستارىن وز­گەرتىپ, وزدەرى جاسىرىنىپ, تەلەفوندارىن ءوشىرىپ تاستايدى.

«ازاماتتارعا ارنالعان ۇكىمەت» مەملەكەتتىك كورپو­راتسياسىنىڭ قىز­مەت­كەرلەرى وسىنداي حابارلامالار­دى تۇراقتى نەگىزدە قاداعالاپ, انىق­تالعان اقپاراتتاردى قۇ­قىق قورعاۋ ورگان­دارىنا جولداپ وتىرادى. ماسە­لەن, بيىلعى ءساۋىر ايىندا ءىىم-گە جۇر­گىزۋشى كۋالىگىن الۋعا زاڭسىز تۇردە كومەك­تەسۋ­گە ۇن­دەگەن 12 فاكتى بويىنشا اق­پارات بەرىلگەن.

وسىعان وراي ءىىم وكىلدەرى مەن «ازا­ماتتارعا ارنالعان ۇكىمەت» مەملە­كەتتىك كورپو­را­تسياسىنىڭ قىزمەت­كەر­لەرى جۇرگىزۋشى كۋالىگىن تەك ءتيىستى ەمتي­حانداردان ءوتۋ ارقىلى ماماندان­دىرىلعان حالىق­قا قىزمەت كورسەتۋ ورتا­لىق­­تارىنان الۋعا بولاتىنىن ەسكە سالادى. سونداي-اق جۇر­گىزۋشى كۋالىگى ءۇشىن 1,25 اەك (3 975 تەڭگە) مولشەرىندە مەم­لەكەتتىك باج سالىعىن تو­لەۋ قاجەت.

ەمتيحاندار كەزىندە الدىمەن تەو­ريالىق, سودان كەيىن تاجىريبەلىك سىناق­تار تاپسىرىلادى. تەوريالىق ەمتيحاندا 40 مينۋت ىشىندە 40 سۇراققا جاۋاپ بەرۋ كەرەك. ەمتيحاننان ءوتۋ ءۇشىن 32 سۇراققا دۇرىس جاۋاپ بەرۋ قاجەت بولسا, اۆتودرومداعى پراكتيكالىق ەمتيحان كەزىندە 20 مينۋت ىشىندە جۇرگىزۋشى كۋالىگىن الۋعا ۇمىتكەر اۆتو­كولىكپەن ءجۇرۋ ارقىلى 12 سىناقتان ءوتۋى كەرەك. ەگەر ۇمىت­كەر ەكى ەمتيحاننان دا سۇرىن­بەي وتسە, وعان جۇرگىزۋشى كۋا­لىگى بەرىلەدى.