جاڭا...

...اۋدان اكىمدەرى تاعايىندالدى وبلىستىڭ ءۇش اۋدانىنىڭ اكىمدەرى اۋىستى. بۇعان دەيىن وبلىس اكىمى اپپاراتى جەتەك­شىسى­نىڭ ورىنباسارى بولعان ءمادي ەلەۋسىزوۆ  قارعالى اۋدانىنىڭ تىزگىنىن ۇستادى. ول ەڭبەك جولىن ەكونوميستىكتەن باستاپ, كەدەنشى, اۋدان اكىمىنىڭ ورىنباسارى قىزمەتتەرىن اتقارعان. قارعالى اۋدانىنىڭ بۇرىنعى اكىمى  مۇحتار جۇماعازيەۆ ەندى ويىل اۋدانىن  باسقاراتىن بول­دى. “قوبدا” كەڭشارىندا زووتەح­نيك, پارتكوم حاتشىسى, اۋپارت­كوم­نىڭ ءبولىم مەڭگەرۋشىسى, اۋدان­دىق اۋىل شارۋاشىلىعى باسقار­ماسى باستىعىنىڭ ءبىرىنشى ورىن­باسارى, قوبدا, يساتاي جانە قار­عالى اۋداندارىنىڭ اكىمى بولعان ول تاجىريبەلى باسشى. ال ونىڭ ورنىنا قارعالى اۋدانىنىڭ اكىمى بولىپ تاعايىن­دال­عان ايبەك ساعيەۆ بۇعان دەيىن  “باتىس” وڭىرارالىق مەملەكەتتىك م ۇلىك جانە جەكەشەلەندىرۋ دەپار­تامەنتىنىڭ ديرەكتورى لاۋازىمدى قىزمەتىن اتقارىپ كەلدى. ەڭبەك جولىن جۇمىسشىلىقتان باستاعان ول اقتوبە وبلىسى بويىنشا قازىناشىلىق باسقارماسى مەن اقتوبە اۋماقتىق مەملەكەتتىك م ۇلىك جانە جەكەشەلەندىرۋ كومي­تەتىندە ءتۇرلى قىزمەتتەر اتقاردى. ساتىبالدى ءساۋىرباي, اقتوبە وبلىسى. ...بالاباقشا اشىلدى وبلىس اكىمى ب.قۋاندىقوۆ قىزىلوردا قالاسىندا جاڭادان اشىلعان “الپامىس” بالاباق­شا­سىندا بولىپ, ونىڭ جۇمىسىمەن تانىستى. جاڭا ءتيپتى 140 ورىندىق بالا­باقشانىڭ جالپى قۇنى 194 ملن. تەڭگەنى قۇرايدى. باس مەردىگەر – “ەنەرگيا” قۇرىلىس كومپانياسى. جاڭا بالاباقشادا بالعىندار 8 توپ بويىنشا تاربيەلەنەدى. بۇل بالاباقشانىڭ وزگەلەردەن ەرەكشە­لىگى سول – مۇندا 1-2 جاس ارالى­عىن­داعى سابيلەردى قامتيتىن ەرتە جاستاعى بالالار توبى دا بار. سون­داي-اق, ورتا جانە مەكتەپالدى دايار­لىق توپتارى دا جۇمىس ىستەيدى. جاڭا تيپتەگى عيماراتتا بال­عىن­داردىڭ جان-جاقتى تاربيە الۋلارىنا بارىنشا جاعداي جاسالعان. ەركىن ءابىل, قىزىلوردا. ...ماۋسىمداعى ىلە — بالقاش رەگاتاسى جەر ءجانناتى جەتىسۋداعى كوك­تەمگى مەرەيدىڭ ءبىرى قاپشاعايداعى تاڭبالى تاستا وتەتىن ءداستۇرلى ىلە-بالقاش رەگاتاسىنىڭ  اشى­لۋى بولدى. وبلىس اكىمدىگى, تۋريزم جانە سپورت مينيسترلىگى مەن تابيعات قورعاۋ قوعامى قولعا العان شارا بيىل ونىنشى مارتە جالعاستى. وعان قاتىساتىندار قاتارى مولايىپ, رەگاتانىڭ حالىققا كەڭىنەن تانىلۋىمەن ەلىمىزدەگى سۋ-وزەن ءتۋريزمىنىڭ دامىپ, قالىپتاسا باستاعانى بايقالادى. اتالعان مەرەكەدە سۋ سپورتىن, سۋ ءتۋريزمىن دامىتۋعا ارنالىپ قاسيەتتى تاڭبالى تاستىڭ قۇز-جارتاستارىندا الپينيستەر سايىسىنىڭ باسەكەسى قىزدى. ناعىز ەرجۇرەك “مۇزبالاقتار” ءوز شەبەرلىگىمەن ءتانتى ەتسە, جالپى شاراعا 50-دەن استام كوماندا قاتىستى. ولار ەسكەكتى قايىقپەن, بايداركالارمەن, كاتاماران, سال جانە جەلكەندى قايىقپەن تەڭىز بەتىنە ءىز قالدىرىپ, ءوزارا تارتىستى جارىسقا ءتۇستى. بىرنەشە كۇنگە سوزىلعان سالتانات جاڭا ماۋسىمدا تاعى ءبىر قىرىنان كورىنسە, ۇلتتىق ونەرىمىز – كوكپارعا تۇسكەن سايىپقىران جىگىتتەردىڭ ەپتىلىگىنە دە جينالعان قاۋىم ريزا بولدى. كۇمىسجان بايجان, الماتى وبلىسى.