ء«وزىن ەكىنشى دەڭگەيدەگى بانكتىڭ قىزمەتكەرى رەتىندە تانىستىرعان بەيتانىس ادام ۇيالى تەلەفونعا قوڭىراۋ شالىپ, ايەلدىڭ شوتتارىن الاياقتاردان قورعاۋدى ۇسىندى. وسىلايشا, بانكتىڭ جالعان قىزمەتكەرى ايەلگە كەلىپ تۇسكەن SMS-حابارلاماداعى كودتى ايتۋىن سۇرادى. كودتى الىپ العان الاياق ايەلدىڭ بارلىق جيناقتارىن ءوز شوتىنا اۋداردى», دەلىنگەن اقتوبە وبلىسى پد ءباسپاسوز قىزمەتى تاراتقان حابارلامادا.
ۆەدومستۆونىڭ مالىمەتىنشە, حرومتاۋ تۇرعىنى 10 ملن تەڭگەدەن ايىرىلدى.
«اتالعان فاكتى بويىنشا قر قك 190-بابى 3-بولىگى «الاياقتىق» بويىنشا سوتقا دەيىنگى تەرگەۋ باستالدى. قازىرگى ۋاقىتتا كۇدىكتىلەردى انىقتاۋعا جانە ۇستاۋعا باعىتتالعان جەدەل ءىس-شارالار جۇرگىزىلۋدە», دەپ قوستى پد ءباسپاسوز قىزمەتى.
وبلىستىق پوليتسيا قىزمەتكەرلەرى بانك قىزمەتكەرلەرى كليەنتكە كۇدىكتى ترانزاكتسيالار تۋرالى حابارلاۋ ءۇشىن ەشقاشان قوڭىراۋ شالمايتىنىن ەسكە سالدى.
