تەرگەۋ ماتەريالدارىنا سايكەس, 2007 جىلى پاۆلودار قالاسىندا يسيناليەۆ كوشەسىندەگى تۇنگى كلۋبتا وق اتىلعان. وقيعا ورنىندا ءبىر ەر ادام قايتىس بولدى. ال قىلمىسكەر قاشىپ كەتكەن. پوليتسەيلەر ونى ءبىراز ۋاقىت تابا المادى. بىراق ىزدەستىرۋ جۇمىستارىن توقتاتقان جوق.
سويتسە, 25 جاستاعى جىگىت كورشى رەسەيگە قاشىپ, اتى-ءجونىن وزگەرتكەن.
«ول رەسەي فەدەراتسياسىندا ءوزىنىڭ جەكە دەرەكتەرى - تەگى, اتى جانە اكەسىنىڭ اتىن تولىعىمەن وزگەرتكەن. سوعان قاراماستان, قولعا ءتۇستى», دەيدى پوليتسەيلەر.
پاۆلوداردىڭ ءتارتىپ ساقشىلارى بارناۋل قالاسىنداعى ارىپتەستەرىمەن بىرلەسە, ادام ولتىرگەنى ءۇشىن ىزدەۋدە بولعان قىلمىسكەردى ۇستادى.
قازىرگى كەزدە ونى بارناۋل قالاسىنىڭ ۋاقىتشا ۇستاۋ يزولياتورىنا قاماپ قويدى. قازاقستانعا ەكستراديتسيالاۋ شارالارى باستالدى.
