شقو اكىمدىگىنىڭ مالىمەتىنە سۇيەنسەك, وڭىردەگى ارحەولوگيالىق قازبا جۇمىستارى تۋرالى «قازاقستان تاريحى» اتتى ءۇش تومدىق كىتاپ جارىققا شىعادى. كىتاپتى دايىنداۋ بارىسىندا جەرگىلىكتى ارحەولوگتار رەسەي, وزبەكستان جانە تۇركيا مۇراعاتتارىندا وراسان زور جۇمىس اتقاردى. بۇگىنگى تاڭدا قوسىمشا تۇپنۇسقا اقپاراتتار بار 15 000 بەت جينالدى.
«قازاقستان تاريحى» كىتابى وسى جىلدىڭ سوڭىنا قاراي بىردەن ءۇش تىلدە شىعادى دەپ كوزدەلىپ وتىر. ارحەولوگتار زاينوللا ساماشەۆ پەن ابدەش تولەۋباەۆ اقباۋىر, شىلىكتى القاپتارىندا جانە «ەلەكە سازى» جازىعىنداعى قورعانداردا قازبا جۇمىستارىن بيىل دا جالعاستىرادى. عالىمدارىمىز جاۋىنگەر-مۋزىكانت جەرلەنگەن بەيىتتەردىڭ ءبىرىن قايتا قالپىنا كەلتىردى. كونە ءۇش اسپاپ ساقتالعان. ەندى ءدال سونداي اسپاپتاردى قايتا جاساپ شىعارىپ, حالىق اسپاپتار وركەسترىنە قوسۋ قاجەت», دەيدى ايماق باسشىسى دانيال احمەتوۆ.
ارحەولوگيالىق زەرتتەۋلەرگە ءوڭىر ستۋدەنتتەرى دە اتسالىسىپ جاتىر. ولار قورعانداردا گەودەزيالىق جۇمىستار جۇرگىزۋدە.
