ءمينيستردىڭ ايتۋىنشا, بيىل اۋا رايى ديقاندار ءۇشىن بىلتىرعىدان قولايلى بولىپ تۇر.
«بيىل كوكتەمگى ەگىس جۇمىستارىن وڭتايلى مەرزىمدە اياقتادىق. توپىراققا جينالعان ىلعالدى ساقتاۋ جۇمىستاردىڭ ءبارى ۋاقىتىلى, تولىقتاي اتقارىلدى. «قازگيدرومەت» ماۋسىم ايىنا قولايلى بولجام بەرىپ وتىر. وسى فاكتورلاردىڭ ءبارىن ەسكەرە وتىرىپ, بيىل استىق ءتۇسىمى كوپجىلدىق ورتاشا دەڭگەيدە بولادى دەپ وتىرمىز», دەدى ۆەدومستۆو باسشىسى.
ونىڭ ايتۋىنشا, بيىل ەگىس شىعىمى بىلتىرعىدان 15% جوعارى بولۋى مۇمكىن.
«سونىڭ ىشىندە بيدايدىڭ ءتۇسىمى اۋىل شارۋاشىلىعى مينيسترلىگىنىڭ بولجاۋى بويىنشا 13-13,5 ملن توننا بولادى دەپ جوسپارلاپ وتىرمىز. ماۋسىم ايىندا كۇتىپ وتىرعان جاڭبىر ۋاقىتىلى تۇسسە, ەگىس شىعىمى بىلتىرعىدان 15 پايىز جوعارى بولادى», دەدى ە.قاراشوكەەۆ.
