قازاقستان بيلىگى ەلدەگى ساياسي جۇيەنى رەتتەۋگە كۇش سالىپ جاتقانىن بىلەمىز. سول ءۇشىن دە جاڭا ءارى باتىل قادامدارعا بارىپ, ساياسي رەفورمالاردى قولعا العان بولاتىن. قازاقستان پرەزيدەنتى حالىقتىڭ پىكىرىنە قۇلاق اسقاندى ءجون دەپ تاپتى. جالپىحالىقتىق رەفەرەندۋم سونىڭ كورىنىسى. بۇل البەتتە قۇپتارلىق قادام دەر ەدىم.
ءبىز ءۇشىن قازاقستان قاي كەزدە دە سەنىمدى سەرىكتەس ەكەنى داۋسىز. سوندىقتان دا ەلدەگى جالپىحالىقتىق رەفەرەندۋمنىڭ جوعارى دەڭگەيدە وتكەنى قۋانتتى. حالىقتىڭ باسىم بولىگى كونستيتۋتسيالىق رەفورمانى دۇرىس جاعىنان قابىلداپ, قولداعانىن بىلەمىن. ەڭ باستىسى ەلدىڭ پرەزيدەنت توقاەۆتىڭ يدەياسىن دۇرىس تۇسىنگەنىن اتاپ وتپەسكە بولماس.
قىسقاسى, قازاقستان حالقى ساياسي, الەۋمەتتىك وزگەرىستەردى قاجەت ەتىپ وتىرعانىن بايقادىق. ولار ەلدىڭ جاعدايى جاقسارعانىن قالايدى. پرەزيدەنتتى سول ءۇشىن دە قولداپ وتىر. دەموكراتيالىق ءۇردىستىڭ جاڭا بەلەسىنە قادام باسقان ەلدىڭ ەرتەڭى جارقىن بولادى دەگەن ويدامىز.
مانيلو دە ستەفانو,
سىرتقى ىستەر ءمينيسترىنىڭ ورىنباسارى
(يتاليا)
