مۇراجاي ديرەكتورى اگۋستين ارتەاگانىڭ ايتۋىنشا, شابۋىل جاساۋشى قارۋسىز بولعان. وقيعا سالدارىنان ەشكىم زارداپ شەكپەگەن. الايدا ءۇش كەراميكالىق گرەك ىدىسى مەن قازىرگى امەريكالىق كەراميكا قاتتى زاقىمدانعان.
ءۇش گرەك ىدىسىنىڭ ىشىندە ميفتىك كورىنىسپەن بەزەندىرىلگەن ءبىزدىڭ ەرامىزعا دەيىنگى 550-530 جىلدارداعى «كيليكس» دەپ اتالاتىن قارا قۇمىرا, ترويا سوعىسىنىڭ بەينەلەرى بار, ب.ز.ب. 450 ج. «پيكسيس» دەپ اتالاتىن قاقپاعى بار ىدىس, نەكەگە جانە گەندەرلىك ديناميكاعا قاتىستى كورىنىستەر قىزىل مۇسىنشەلەرمەن بەزەندىرىلگەن.
سونداي-اق امەريكالىق كەراميكالىق سۋرەتشى چەيز كاۆينحۋت ەرلس جاساعان بالىق ءتارىزدى كەراميكالىق بوتەلكە دە قاتتى زاقىمدالعان.
مۇراجايعا كەلتىرىلگەن زالالدىڭ كولەمى ءالى بەلگىسىز. مۇراجايدىڭ كوممۋنيكاتسيالار جانە قوعاممەن بايلانىس جونىندەگى ديرەكتورى اشەل مورگان ب ۇلىنگەن ەكسپوناتتاردىڭ كەز كەلگەنىن قالپىنا كەلتىرۋ ءۇشىن جۇمىس ىستەپ جاتقانىن ايتتى.
داللاس پوليتسياسى ەر ادامدى وقيعا ورنىندا قاماۋعا العان.
گۇلدانا ەلۋباي
