مەملەكەتىمىزدى دەموكراتيالىق ۇردىستەرگە ساي دامىتۋدىڭ ءبىر جولى – رەفەرەندۋم. ەلىمىزدىڭ پرەزيدەنتى قاسىم-جومارت توقاەۆ سول ءۇشىن دە كونستيتۋتسيالىق رەفورمانى پارلامەنت ارقىلى قابىلداماي, حالىقتىڭ تالقىسىنا سالعاندى ءجون دەپ شەشتى. بۇل البەتتە قۇپتارلىق قادام. جاڭا قازاقستاندى قالىپتاستىرۋ باعىتىندا قولعا الىنعان ساياسي ناۋقانعا وتانداستارىمىزدىڭ اعىلىپ كەلىپ جاتقانىن كوردىم. ولاردىڭ بارلىعى دا جاڭا وزگەرىستەردىڭ بولعانىن قالايدى. داۋىس بەرۋ پروتسەسى اشىق تۇردە ءوتىپ جاتقانىن اڭعاردىم. ەڭ باستىسى دا سول.
قاي-قايسىمىزدىڭ كوكەيىمىزدە تاۋەلسىز قازاقستان ازاماتتارى باقىتتى ءومىر سۇرسە دەگەن تىلەكتىڭ اتويلاپ تۇرعانى اقيقات. سول تۇرعىدان الىپ قاراعاندا, رەفەرەندۋم جاڭاشىلدىقتىڭ باستاۋى بولسا دەگەن تىلەك بار. ەگەمەن ەلىمىز وركەندەي بەرسىن!
ساكەن بيبوسىنوۆ,
توكيو وليمپياداسىنىڭ قولا جۇلدەگەرى, الەم چەمپيونى
