زاينيددين ماحامات ۇلى قالاداعى جانە اۋىلداعى ۋچاسكەلەرگە دە باردىق, ۇيىمداستىرىلۋ دەڭگەيى كوڭىل قۋانتادى, ساياسي باستاماعا حالىقتىڭ نەمقۇرايدى قارامايتىنىن بايقادىق دەيدى.
ء«بىز قازاقستانعا كەشە كەلدىك. ورتالىق سايلاۋ كوميسسياسىنىڭ توراعاسى نۇرلان ماجيت ۇلىمەن كەزدەستىك. ول كىسى رەفەرەندۋمعا دايىندىق كەزەڭدەرى تۋرالى حاباردار ەتتى. ءبىز بارلىق وزگەرىستەر جونىندە حاباردارمىز. بۇگىن تاڭەرتەڭ رەفەرەندۋم ۋچاسكەلەرىنىڭ اشىلۋىنا كۋا بولدىق. تاڭەرەرتەڭ ءبىزدىڭ ميسسيامىز وننان استام ۋچاسكەگە باردى. ولاردىڭ التاۋى – نۇر-سۇلتان قالاسىندا, بەسەۋى – اقمولا وبلىسىندا. بارلىق ۋچاسكەدە رەفەرەندۋمنىڭ ءجۇرۋ بارىسىنىڭ كۋاسى بولدىق. ءبارى تىنىش, جوعارى دەڭگەيدە ءوتىپ جاتىر. ۋچاسكە باسشىلارىنىڭ ايتۋىنشا, ساعات 10 شاماسىندا داۋىس بەرۋشىلەردىڭ 10-12 پايىزى بەلسەندىلىك تانىتىپ, داۋىس بەرگەن. حالىق اراسىنان جاستاردى كوپ بايقادىق. قازاقستان جاستارى ءوز بولاشاعىنا بەي-جاي قارامايدى ەكەن. ءبىزدى قۋانتقان ءبىر جاعداي – رەفەرەندۋم كوميسسيانىڭ مۇشەلەرى ءاربىر ماسەلەنى جوعارى كاسىبي دەڭگەيدە قاراستىرىپ جاتىر. حالىقتىڭ كونستيتۋتسيادا جازىلعان قۇقىعىن وتەۋى ءۇشىن بارلىق جاعداي جاسالعان. ءبىز اۋىلدىق جەرلەردە دە ءۇش ۋچاسكەدە بولدىق. ەلدى مەكەندەگى جاعداي دا, بەلسەندىلىك تە قالالىق ۋچاسكەلەرمەن بىردەي. كۇننىڭ ەكىنشى جارتىسىندا باسقا دا ۋچاسكەلەرگە بارامىز», دەيدى زاينيددين نيزامحوجاەۆ.
تۇركيا دەلەگاتسياسى ساپارىن اۋەلى تۇرىك دۇنيەسىنىڭ التىن بەسىگى – تۇركىستاننان باستاعان.
ء«بىرىنشى كەزەكتە تۇرىك حالقىنىڭ قازاقستانعا ىستىق سالەمىن جەتكىزەمىن. كونستيتۋتسيانىڭ ۇشتەن ءبىر بولىگىنە وزگەرىستەر مەن تولىقتىرۋلار ەنگىزىلگەلى وتىر. ورتالىق سايلاۋ كوميسسياسىنىڭ توراعاسى نۇرلان ءابدىروۆتىڭ شاقىرۋىمەن قازاقستانداعى رەفەرەندۋمعا حالىقارالىق بايقاۋشى رەتىندە قاتىسىپ وتىرمىز. اۋەلى ءبىز تۇركىستان قالاسىنا ۇشىپ كەلىپ, قالاداعى رەفەرەندۋمعا دايىندىق بارىسىمەن تانىسىپ قايتتىق. ۇيىمداستىرۋ جۇمىستارىنىڭ جوعارى دەڭگەيدە جاسالعانىنا كوز جەتكىزدىك. بۇگىن تاڭەرتەڭنەن باستاپ بىرنەشە سايلاۋ ۋچاسكەسىنە بارۋ مۇمكىندىگىنە يە بولدىق. قاتىسۋ دەڭگەيىنىڭ جوعارى ەكەنىن اڭعاردىق. رەفەرەندۋم ءجيى قولدانىلاتىن قۇرال ەمەس, بىراق دەموكراتياعا جول باستاۋداعى ماڭىزى زور. قازاقستاننىڭ سوڭعى 27 جىلدا العاش رەت رەفەرەندۋم وتكىزىپ وتىرعانىن دا بىلەمىز. وتكىزىلىپ جاتقان ساياسي ءىس-شارانىڭ قازاقستاننىڭ حالقىنا, ەلىنە جانە دەموكراتياسىنا وراسان پايداسى تيەدى دەپ ۇمىتتەنەمىز», دەدى تۇركيا جوعارى سايلاۋ كەڭەسىنىڭ توراعاسى مۋحارەم اككايا.
