سونداي-اق پوليتسەيلەر قوڭىر-جاسىل ءتۇستى وسىمدىك تەكتەس زات سالىنعان قوراپ, ەلەكتروندى تارازى, پلاستيكالىق قوراپتار مەن قارا ەلەكترلىك تاسپامەن ورالعان قوڭىر ءتۇستى ۇنتاقتى زات سالىنعان پوليمەرلى پاكەتتى تاپتى.
تابىلعان زاتتارعا ساراپتاما جۇرگىزىلىپ, كارتون قوراپتاعى زات سالماعى 3,05 گرامم «كەپتىرىلگەن ماريحۋانا», ال پلاستيكالىق قوراپتاعى زات - سالماعى 6,10 گرامم «كاننابيس شايىرى» ەكەنى انىقتالدى.
«ۇستالعان ازاماتقا قاتىستى قر قك-ءنىڭ 296-بابىنىڭ 4-بولىگى «ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ» بويىنشا قىلمىستىق ءىس قوزعالدى. باپتىڭ سانكتسياسى ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى», دەلىنگەن شىعىس قازاقستان وبلىسىنىڭ پوليتسيا دەپارتامەنتى تاراتقان حابارلامادا.
