قىزمەتتەستىكتىڭ جاڭا قىرلارى

كەشە پرەمەر-مينيستر كارىم ءماسىموۆ اۆستريا ونەركاسىپشىلەرى بىرلەستىگى دەلەگاتسياسىمەن – ۇيىمنىڭ پرەزيدەنتى ۆايت زورگەر باستاعان اۆستريالىق ءىرى كومپانيالار باسشىلارىمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا قازاقستان مەن اۆستريا اراسىنداعى ساۋدا-ەكونوميكالىق سالاداعى قىزمەت­تەس­تىكتىڭ اعىمداعى جاعدايى مەن پەرس­پەكتيۆالارى تالقىلاندى. ۆ.زورگەر اۆستريالىق بيزنەس وكىلدەرىنىڭ قازاقستاندىق ءارىپ­تەس­تە­رىمەن ەنەرگەتيكا, كولىك, قۇرى­لىس, ماشينە جاساۋ, تەلە­كوم­مۋ­ني­كاتسيالار, تاماق ءونىم­دەرىن ءوندىرۋ مەن وڭدەۋ جانە ەكو­نوميكانىڭ باس­قا دا سالالارىن­داعى قىزمەت­تەس­تىكتى نىعايتۋعا جانە ىسكەرلىك باي­لانىستاردى كەڭەيتۋگە مۇددەلى ەكەندىگىن جەتكىزدى. ءوز كەزەگىندە ك.ءماسىموۆ اۆس­تريا­لىق بيزنەسمەندەرگە قازاق­ستان­دا 2007-2009 جىلدارى قابىل­دانعان ەكونوميكانى تۇراقتاندىرۋ شارالارى جانە ەلدىڭ داعدارىستان كەيىنگى كەزەڭدەگى ەكونوميكالىق دامۋ بولاشاعى جونىندە حابارلادى. رەسپۋبليكا پرەزيدەنتى نۇرسۇلتان نازارباەۆ بەكىتكەن ەلدى دامىتۋدىڭ 2020 جىلعا دەيىنگى ستراتەگيالىق جوسپارىن ورىنداۋ اياسىندا, سول سياقتى ۇدەمەلى يندۋستريالىق-ين­نو­ۆاتسيالىق دامۋدىڭ بەسجىلدىق مەملەكەتتىك باعدارلاماسىن جۇزەگە اسىرۋعا بايلانىستى ۇكىمەت ينۆەس­تي­تسيالىق, سالىقتىق جاعدايلاردى جاق­سارتۋ جانە قازاقستاندا بيز­نەستى جۇرگىزۋ ءۇشىن قولايلى احۋال قالىپتاستىرۋ ساياساتىن جوسپارلى تۇردە جۇزەگە اسىرۋدا. وسى ورايدا ك.ءماسىموۆ 170 ميلليون ادامنان اساتىن كەدەن وداعىنىڭ وتكىزۋ رى­نوگى قازاقستاندا ءونىم شىعاراتىن ينۆەستورلار ءۇشىن اتالعان ينتە­گراتسيالىق بىرلەستىككە مۇشە ەلدەر اۋماعىندا تاۋار وتكىزۋگە قوسىمشا ارتىقشىلىقتار بەرەتىنىن ايرىقشا اتاپ كورسەتتى. اۆستريانىڭ ونەر­كا­سىپ كاسىپورىندارىنىڭ قازاق­ستان­دى يندۋستريالىق دامىتۋ جوسپا­رى­نا ۇيلەسىمدى قوسىلۋىنا بولادى. بىزدە تەحنولوگيالار تار­تۋعا جاعداي جاسايتىن شيكىزات رەسۋرستارى بار. مۇنداي جاعدايدا تەحنولوگيالار مەن اۆسترياداعى بيزنەستى جۇرگىزۋ دەڭگەيى, سول سياق­تى قازاقستاننىڭ گەوگرا­فيا­لىق جاعدايى مەن شيكىزاتتىق مۇمكىندىكتەرى ءبىرىن-ءبىرى تولىق­تى­را تۇسەتىن فاكتور بولىپ تابى­لا­دى, دەدى ك.ءماسىموۆ. سول سياقتى قازاقستان ۇكى­مەتى­نىڭ باسشىسى كومپانيا پرە­زيدەنتى يون سەنس باستاعان ء“Sىemens AG” اق وكىلدەرىمەن دە كەزدەستى. كەزدەسۋ كەزىندە كولىك سالاسىن­داعى قىزمەتتەستىكتى دامىتۋدىڭ كوكەيكەستى ماسەلەلەرى تالقىلاندى. ي.سەنس كومپانيانىڭ قازىرگى زامانعى ەلەكتروۆوزدار مەن جاب­دىقتاردى ولارعا قاتىستى تەحنولو­گيالار ترانسفەرتىمەن قوسا شىعارۋ جونىندەگى جوبانى جۇزەگە اسىرۋعا, جوعارى بىلىكتىلىكتەگى جۇمىس ورىن­دارىن جاڭادان اشۋ مەن ءوندىرىستى دامىتۋعا مۇددەلى ەكەنىن جەتكىزدى. ك.ءماسىموۆ قازاقستاننىڭ قىز­مەتتەستىكتى ءوزارا ءتيىمدى ارىپتەستىك پرينتسيپىندە قۇرۋعا, سونداي-اق ەلدى يندۋستريالىق-يننوۆاتسيالىق دا­مىتۋ ماقساتتارىنا جاۋاپ بەرەتىن, قازاقستاندىق مازمۇندى ۇلعايتۋعا جانە جەرگىلىكتى تۇرعىنداردى وقى­تۋعا باعىتتالعان جوعارى تەح­نو­لوگيالىق ونەركاسىپتىك جوبالار­دى جۇزەگە اسىرۋعا دايىن ەكەنىن حابارلادى. وسى كۇنى تۇستەن كەيىن پرەمەر-مينيستر ك.ءماسىموۆ قازاقستاندا 3G ءۇشىنشى بۋىنداعى ۇيالى باي­لانىس ستاندارتىن ەنگىزۋ جانە جيىلىكتەردى جۇمىس ىستەپ تۇرعان ۇيالى بايلانىس وپەراتورلار ارا­سىندا اقىلى نەگىزدە ءبولۋ ماسە­لەلەرى بويىنشا جۇمىس بابىنداعى كەڭەس وتكىزدى.