ولىمگە اكەلگەن بەلگىسىز سۇيىقتىق قالدىقتارىنا ساراپتاما تاعايىندالدى.
«پوليتسيا انىقتاعانداي, 26 مامىردا ەرتىس اۋىلىنىڭ تۇرعىندارى بەلگىسىز سۇيىقتىقتى تۇتىنىپ, سالدارىنان جەتى ادام كوز جۇمعان. سوت-مەديتسينالىق ساراپتامالار تاعايىندالدى. سۇيىقتىقتىڭ شىققان جەرى بەلگىسىز, ەرتىس اۋدانىنىڭ تۇرعىنىنان الىنعان ىدىستا ساقتالعانى انىقتالدى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتىندە.
اتالعان فاكتى بويىنشا قر قىلمىستىق كودەكسىنىڭ 306-بابى 3-بولىگى (ابايسىزدا ادام ولىمىنە اكەپ سوققان, قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, قىزمەتتەردى ورىنداۋ, قىزمەتتەر كورسەتۋ) بويىنشا سوتقا دەيىنگى تەرگەۋ باستالدى.
ەسكە سالا كەتەيىك, پاۆلودار وبلىسىندا بەلگىسىز زاتتان 7 ادام ۋلانىپ قالدى. الدىمەن 5 ادام قايتىس بولدى. كەيىن اۋرۋحاناعا جەتكىزىلگەن تاعى 2 ناۋقاس كوز جۇمدى. ولاردىڭ بارلىعى ەرتىس اۋدانى تۇرعىنىنىڭ ۇيىندە ءبىر ىدىستا ساقتالعان (شىعۋ تەگى بەلگىسىز) سۇيىقتىقتى ىشكەنى انىقتالدى.
