ەكونوميكا • 27 مامىر، 2022

وڭتۇستىك كورەيا ەلشىسى قوستانايعا جۇمىس ساپارىمەن كەلدى

76 رەت كورسەتىلدى

قوستانايعا وڭتۇستىك كورەيانىڭ قازاقستانداعى توتەنشە جانە وكىلەتتى ەلشىسى كۋ حونگ سوك جۇمىس ساپارىمەن كەلدى، دەپ جازادى Egemen.kz.

ەلشى «سارىارقااۆتوپروم» اۆتوزاۋىتىنا بارىپ، الەمگە تانىمال كورەي برەندى «Kia» اۆتوكولىگى قۇراستىرىلىپ جاتقان ءوندىرىس الاڭىنىڭ جۇمىسىمەن تانىستى.

زاۋىت باسشىلارى مارتەبەلى مەيمانعا «Kia Sportage» مودەلىنىڭ بەسىنشى بۋىنى شىعاتىن ۇساق توراپتى قۇراستىرۋ جەلىسىن كورسەتتى. 

جاڭا ۇلگىدەگى كورەي كروسسوۆەرىنىڭ شاناعى قوستانايدا دانەكەرلەنىپ جاتىر. شاناقتى بوياۋ جۇمىستارى دا وسىندا اتقارىلادى. الايدا  زاۋىت جۇمىسشىلارى كورەيلىك قۇرىلعىلاردى باسقارۋدى ابدەن مەڭگەرىپ العانشا، وندىرىسكە شەتەلدىك ماماندار ارالاساتىن بولادى.  

كۋ حونگ سوك مىرزانىڭ ايتۋىنشا، الداعى ۋاقىتتا قوستانايدا جاسالاتىن «Kia» اۆتوكولىكتەرىنىڭ جەرگىلىكتى ۇلەسىن ارتتىرۋ ارقىلى قازاقستان مەن كورەيانىڭ كولىك ونەركاسىبى سالاسىنداعى ىنتىماقتاستىعىن نىعايتا ءتۇسۋ كوزدەلىپ وتىر.

قوستانا زاۋىتىنداعى جاڭا ۇلگىدەگى ۇساق توراپتى ءوندىرىس قازاقستاننىڭ اۆتوونەركاسىبىن  دامىتۋدىڭ جاڭا ۆەكتورى بولا الادى جانە جەرگىلىكتى اۆتوزاۋىتتى ىلگەرىلەتەتىن ءتيىمدى تاجىريبە بولىپ تابىلادى»، دەدى ەلشى.

بيىل ون ەكى جىلدىق بەلەسىن باعىندىرىپ وتىرعان «سارىارقااۆتوپروم» وسى ۋاقىتقا دەيىن 200 مىڭعا جۋىق كولىك قۇراستىرىپ شىعارىپتى. بۇگىندە قوستانايلىق تەمىر تۇلپارلاردىڭ ءبىرازى ىشكى نارىقتاعى سۇرانىستى وتەپ جاتسا، ءبىرازى سىرتقى ساۋداعا شىعارىلىپ جاتىر.  

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار